రైతుల ఉసురు తీస్తున్న కాంగ్రెస్‌
- మాజీ ఎమ్మెల్యే రసమయి
తిమ్మాపూర్‌, నవంబర్‌ 13: కాంగ్రెస్‌ ప్రభుత్వం రైతుల ఉసురు తీస్తున్నదని మానకొండూర్‌ మాజీ ఎమ్మెల్యే డాక్టర్‌ రసమయి బాలకిషన్‌ ఆవేదన వ్యక్తం చేశారు. కరీంనగర్‌ జిల్లా గన్నేరువరం మండల కేంద్రంలో బీఆర్‌ఎస్‌ నాయకులతో కలిసి మీడియాతో ఆయన మాట్లాడారు.
పారువెల్ల గ్రామానికి చెందిన రైతు గంగు రాజయ్య అప్పుల బాధతో ఆత్మహత్య చేసుకున్నాడని ఆవేదన వ్యక్తంచేశారు. ఎమ్మెల్యే కవ్వంపల్లి సత్యనారాయణకు కనీసం ఆ కుటుంబాన్ని పరామర్శించే తీరిక లేదా? అని ప్రశ్నించారు. రైతు ఆత్మహత్యలన్నీ కాంగ్రెస్‌ ప్రభుత్వ హత్యలేనని ఆగ్రహం వ్యక్తం చేశారు. అనంతరం పారువెల్లలో రాజయ్య కుటుంబాన్ని పరామర్శించారు.
Comments (0)