మా తాగునీటి అవసరాలకే సరిపోవట్లేదు

- తగినన్ని నిల్వలు ఉంటే తమిళనాడుకు ఇచ్చేవాళ్లం
- కావేరీ జలాలపై కర్ణాటక సీఎం డీకే శివకుమార్
బెంగళూరు: రాష్ట్రంలో తాగునీటి అవసరాలకే నీళ్లు సరిపోవడం లేదని, తగిన నిల్వలు ఉంటే తమిళనాడుకు కావేరీ నీటిని తప్పకుండా ఇచ్చేవాళ్లమని కర్ణాటక ముఖ్యమంత్రి డీకే శివకుమార్ శుక్రవారం తెలిపారు. కావేరీ నుంచి 11 టీఎంసీల నీటిని కర్ణాటక విడుదల చేసేలా ఆదేశించాలంటూ తమిళనాడు ప్రభుత్వం దాఖలు చేసిన రెండు పిటిషన్లను సుప్రీంకోర్టు కొట్టివేయడంపై ఆయన స్పందించారు. నీటి లభ్యతకు సంబంధించిన వాస్తవ పరిస్థితి అందరికీ తెలుసని అన్నారు.
కావేరి జలాల వాటాపై తమిళనాడు వేసిన రెండు పిటిషన్లను న్యాయమూర్తులు విక్రమ్ నాథ్, అపరేశ్ కుమార్ సింగ్ల ధర్మాసనం శుక్రవారం కొట్టివేసింది. బెంగళూరు దక్షిణ జిల్లాలోని కనకపుర సమీపంలో కావేరీపై మేకెదాటు జలాశయాన్ని నిర్మించి తాగునీరు, విద్యుత్ అవసరాలకు వినియోగించాలన్నది కర్ణాటక ఆలోచన. దీనివల్ల తమ నీటి వాటాపై ప్రభావం పడుతుందన్న ఆందోళనతో తమిళనాడు ఈ ప్రాజెక్టును వ్యతిరేకిస్తున్నది.
Comments (0)