మరో తుపాన్‌ ముప్పు

• నేడు అల్పపీడనం ఏర్పడే అవకాశం 

• 24గంటల్లో వాయుగుండంగా

• పలుచోట్ల మోస్తరు వర్షాలు : వాతావరణ శాఖ వెల్లడి

హైదరాబాద్‌, నవంబర్‌ 12(నమస్తే తెలంగాణ) : మరో తుపాన్‌ ముప్పు పొంచి ఉన్నది. శుక్రవారం దక్షిణ అండమాన్‌ సముద్రంలో అల్పపీడనం ఏర్పడే అవకాశమున్నదని వాతావరణ కేంద్రం తెలిపింది. ఉపరితల ఆవర్తన ప్రభావంతో ఏర్పడనున్న ఈ అల్పపీడనం ఆగ్నేయ బంగాళాఖాతంలో వాయుగుండంగా బలపడి తుపాన్‌గా రూపాంతరం చెందే సూచనలున్నాయని అధికారులు తెలిపారు.

తుపాన్‌గా మారిన తర్వాత ఉత్తర తమిళనాడు, దక్షిణ కోస్తాంధ్ర తీరాల వైపు పయనించే అవకాశం ఉన్నదని భావిస్తున్నారు. దీని ప్రభావంతో రాబోయే మూడు నాలుగు రోజుల్లో ఏపీ, తెలంగాణ రాష్ట్రాల్లోని పలు ప్రాంతాల్లో మోస్తరు నుంచి భారీ వర్షాలు కురిసే అవకాశం ఉన్నది. ముఖ్యంగా దక్షిణ కోస్తా, రాయలసీమ జిల్లాల్లో ఈదురుగాలులతో కూడిన వర్షాలు పడే సూచనలు ఉన్నాయి. తెలంగాణలో సాధారణ ఉష్ణోగ్రతలు భారీగా పడిపోతున్నాయి. రాబోయే రెండు రోజుల్లో సాధారణం కంటే 2 నుంచి 3 డిగ్రీల వరకు తకువగా నమోదయ్యే అవకాశం ఉన్నది.