తెలుగు బ్లాక్‌హాక్స్‌ విజయం

హైదరాబాద్‌, ఆట ప్రతినిది: ప్రైమ్‌ వాలీబాల్‌ లీగ్‌ తెలుగు బ్లాక్‌హాక్స్‌ జట్టు తెలుగు స్వాగ్‌ ట్రోఫీలో విజేతగా నిలిచింది. కంకణాల స్పోర్ట్స్‌ గ్రూప్‌ (కేఎస్‌ జీ)ఆధ్వర్యంలో విజయవాడలో గురువారం జరిగిన తుదిపోరులో ఆ జట్టు 5-0తేడాతో బ్లాక్‌హాక్స్‌ అకాడమీపై ఘనవిజయం సాధించింది. శాప్‌ వీసీ ఎండీ ఎస్‌. భరణితో కలిసి కేఎస్‌జీ చైర్మన్‌ కె. అభిషేక్‌రెడ్డి విజేతకు ట్రోఫీ అందజేశారు.

ఈ సందర్భంగా మాట్లాడుతూ తెలుగు రాష్ర్టాల్లోని వాలీబాల్‌ ప్రతిభను వెలికితీసి, యువ క్రీడాకారులకు ఉన్నత స్థాయి అవకాశాలు కల్పించడమే తమ తెలుగు బ్లాక్‌హాక్స్‌ ఫ్రాంచైజీ ప్రధాన లక్ష్యమని తెలిపాడు. ఆగస్టులో నిర్వహించిన ట్రయల్స్‌ ద్వారా సిరిల్‌ రెడ్డి (వరంగల్‌), విష్ణువర్ధన్‌ బాబు (యానం), నమిత్‌, మునీష్‌ వెంకటేశన్‌, దీపక్‌ పీవీఎల్‌ ఐదో సీజన్‌ తెలుగు బ్లాక్‌హాక్స్‌ జట్టులో చోటు సంపాదించారని, మరో 12 మంది ప్రతిభావంతులను తమ అకాడమీ జట్టుకు ఎంపిక చేశామని తెలిపారు.