పేదల గుడిసెలపై బుల్డోజర్లు
-
ప్రభుత్వ తీరుపై నెటిజన్ల ఆగ్రహం
మెహిదీపట్నం,నవంబర్‌ 12: పేదల గుడిసెలపై బల్దియా టౌన్‌ప్లానింగ్‌ అధికారులు బుల్డోజర్లతో విరుచుకుపడ్డారు. గోల్కొండ సర్కిల్‌ టౌన్‌ప్లానింగ్‌ ఏసీపీ స్వామినాయక్‌,సెక్షన్‌ ఆఫీసర్‌ ప్రకాశ్‌ ఆధ్వర్యంలో కార్వాన్‌ నియోజకవర్గం టోలిచౌకి నుంచి హకీంపేట్‌ వెళ్లే రోడ్డులో గుడిసెలను సిబ్బంది కూల్చివేశారు. మహిళలు, చిన్నారులు అని చూడకుండా లాగిపారేసి గుడిసెలను కూల్చేశారు. సార్‌ మా ఇళ్లను కూల్చొద్దు అని బతిమిలాడినా వినకుండా ఖాకీల సాయంతో అనుకున్న పనిని పూర్తిచేశారు. కూల్చివేతల అనంతరం ఆ ప్రాంతమంతా చెల్లాచెదురుగా పడిఉన్న దృశ్యాలు నెట్టింట వైరల్‌ కావడంతో ప్రభుత్వ తీరుపై నెటిజన్లు మండిపడుతున్నారు.
Comments (0)