మంచిర్యాల నేపథ్య ప్రేమకథ
‘రాజు వెడ్స్‌ రాంబాయి’ వంటి విజయవంతమైన చిత్రం తర్వాత దర్శకుడు సాయిలు కంపాటి రూపొందిస్తున్న తాజా చిత్రం ‘బబ్లూ XXL’. సుమంత్‌ ప్రభాస్‌, గహాజీ ఎస్‌కే జంటగా నటిస్తున్న ఈ చిత్రాన్ని పుస్కూర్‌ రామ్మోహన్‌ రావు, భరత్‌ ఎన్‌ నారంగ్‌ నిర్మిస్తున్నారు. సోమవారం ఫస్ట్‌గ్లింప్స్‌ను విడుదల చేశారు. ఇందులో బబ్లూ ప్రేమకథ ఎలా మొదలయ్యిందో వినోదాత్మకంగా చూపించారు.
తొలిప్రేమ మధురానుభూతులకు అద్దం పడుతూ ఈ గ్లింప్స్‌ ఆకట్టుకుంది. మంచిర్యాల నేపథ్యంలో తెరకెక్కుతున్న నవతరం ప్రేమకథా చిత్రమిదని, వచ్చే ఏడాది ప్రథమార్థంలో విడుదల చేస్తామని మేకర్స్‌ తెలిపారు. రాధికా శరత్‌కుమార్‌, జయలలిత, శివాజీ రాజా తదితరులు నటిస్తున్న ఈ చిత్రానికి సంగీతం: విజయ్‌ బుల్గానిన్‌, సమర్పణ: సోనాలినారంగ్‌, రచన-దర్శకత్వం: సాయిలు కంపాటి.
Comments (0)