బీఆర్‌ఎస్‌ సోషల్‌మీడియా యాక్టివిస్ట్‌ అరెస్ట్‌
- అదుపులోకి తీసుకున్న హైదరాబాద్‌ సీసీఎస్‌ పోలీసులు
తిమ్మాపూర్‌, నవంబర్‌ 11: కరీంనగర్‌ జిల్లా తిమ్మాపూర్‌ మండలం రామకృష్ణకాలనీకి చెందిన బీఆర్‌ఎస్‌ సోషల్‌ మీడియా యాక్టివిస్ట్‌ సిరికొండ శ్యాంసుందర్‌రావును హైదరాబాద్‌ సీసీఎస్‌ పోలీసులు అరెస్ట్‌ చేశారు. బుధవారం మధ్యాహ్నం ఆయన నివాసం వద్ద అదుపులోకి తీసుకొని హైదరాబాద్‌ తీసుకెళ్లారు. ఇటీవల బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌పై ఎమ్మెల్సీ బల్మూరి వెంకట్‌ అనుచిత వాఖ్యలు చేసిన నేపథ్యంలో..
వెంకట్‌ భార్య ఇందూజ వివాహానికి సంబంధించిన పలు అంశాలను ప్రస్తావిస్తూ శ్యాంసుందర్‌రావు ఫేస్‌బుక్‌లో పోస్ట్‌ చేశాడు. ఈ నేపథ్యంలో ఆమె హైదరాబాద్‌లో ఫిర్యాదు చేయగా, పోలీసులు.. శ్యాంసుందర్‌రావుతోపాటు పలువురిపై ఎస్సీ, ఎస్టీ అట్రాసిటీ కేసు నమోదు చేశారు. బుధవారం ఉదయం శ్యాంసుందర్‌రావు తండ్రికి అనారోగ్యంగా ఉండటంతో మందులు ఇచ్చేందుకు వెళ్లగా ఆయన్ను అదుపులోకి తీసుకొని హైదరాబాద్‌కు తరలించారు.
Comments (0)