‘పెండ్లితో భారత్‌లో నివాస హక్కు రాదు’

21 November 2026 - 03:00
0 0
‘పెండ్లితో భారత్‌లో నివాస హక్కు రాదు’
Delhi

న్యూఢిల్లీ: భారత పౌరుడిని పెండ్లి చేసుకున్నంత మాత్రాన విదేశీ పౌరులకు దేశంలో ఉండే హక్కు స్వయంచాలకంగా రాదని ఢిల్లీ హైకోర్టు తీర్పునిచ్చింది. విదేశీయుల దేశ ప్రవేశం, కొనసాగింపు, నివాసం అనేవి ప్రభుత్వ సార్వభౌమ నిర్ణయాధికారం పరిధిలోని అంశాలని న్యాయస్థానం స్పష్టం చేసింది. తాను భారత పౌరుడిని వివాహం చేసుకున్నానని, తన ప్రస్తుత ఈ-టూరిస్ట్‌ వీసాను జీవిత భాగస్వామి వీసాగా మార్చాలని కోరుతూ అమెరికా పౌరురాలు దాఖలు చేసిన పిటిషన్‌ను జస్టిస్‌ మహాజన్‌ కొట్టివేశారు. పిటిషనర్‌ వివాహం వీసా ప్రయోజనాల కోసమే జరిగిందనే అనుమానానికి రికార్డుల్లోని పరిస్థితులు తగిన ఆధారంగా ఉన్నాయని, ఇమ్మిగ్రేషన్‌ అధికారులు కౌంటర్‌ అఫిడవిట్‌లో ఇచ్చిన వివరణ సంతృప్తికరంగా ఉందని కోర్టు పేర్కొంది.

Comments (0)

User