‘మెటా’ కార్యాలయంపై కాంగ్రెస్‌ దాడి

21 November 2026 - 03:00
0 0
‘మెటా’ కార్యాలయంపై కాంగ్రెస్‌ దాడి
01
  • హైదరాబాద్‌లో అధికార పార్టీ అరాచక కాండ
  • సోషల్‌మీడియా ఖాతాల నిలిపివేతపై దౌర్జన్యం
  • స్కైవ్యూ భవనంలోకి చొచ్చుకెళ్లేందుకు యత్నం
  • 21 మంది యువజన కాంగ్రెస్‌ నేతల అరెస్ట్‌

కొండాపూర్‌, నవంబర్‌ 20 : నాలెడ్జ్‌ సిటీలోని స్కై వ్యూ బహుళ అంతస్థుల వాణిజ్య సముదాయంలో ఉన్న మెటా కార్యాలయంపై తెలంగాణ రాష్ట్ర యువజన కాంగ్రెస్‌ అధ్యక్షుడు జకిడి శివచరణ్‌రెడ్డి దాడికి దిగారు. తన అనుచరులతో కలిసి శుక్రవారం సంస్థ కార్యాలయంలోకి చొచ్చుకొని వెళ్ల్లేందుకు ప్రయత్నించారు. జాతీయ యువజన కాంగ్రెస్‌ అధ్యక్షుడు ఉదయ్‌భానుతోపాటు ఇన్‌చార్జ్‌ మణిశర్మ సోషల్‌ మీడియా ఖాతాలను మెటా సంస్థ నిలిపివేయడాన్ని నిరసిస్తూ ఈ దాడికి పాల్పడ్డారు.

మెటాకు, కేంద్ర ప్రభుత్వానికి వ్యతిరేకంగా నినాదాలు చేస్తూ సంస్థ ప్రాంగణంలోని పూల కుండీలను పగలగొడుతూ హల్‌చల్‌ చేశారు. నిలిపివేసిన ఖాతాలను వెంటనే పునరుద్ధరించాలని డిమాండ్‌ చేశారు. విషయం తెలుసుకున్న రాయదుర్గం పోలీసులు అక్కడికి చేరుకొని 21 మంది కాంగ్రెస్‌ నాయకులను అదుపులోకి తీసుకుని, కాసేపటికి వదిలేశారని సమాచారం.

Comments (0)

User