మరో టైటిల్‌ దిశగా సేన్‌

21 November 2026 - 03:00
0 0
మరో టైటిల్‌ దిశగా సేన్‌
Jodi
  • సెమీస్‌లో సాత్విక్‌ జోడీ .. శ్రీకాంత్‌, రక్షిత ఔట్‌

కౌలూన్‌: వరుసగా రెండు బీడబ్ల్యూఎఫ్‌ టోర్నీలను గెలిచిన జోష్‌లో ఉన్న భారత స్టార్‌ షట్లర్‌ లక్ష్యసేన్‌ హాంకాంగ్‌ ఓపెన్‌లోనూ అదరగొడుతున్నాడు. శుక్రవారం జరిగిన పురుషుల సింగిల్స్‌ క్వార్టర్స్‌లో లక్ష్య 21-17, 10-21, 21-13తో ప్రపంచ మాజీచాంపియన్‌ లో కీన్‌ యూ (సింగపూర్‌)ను ఓడించి సెమీస్‌కు దూసుకెళ్లాడు.

కానీ, శ్రీకాంత్‌ 17-21, 7-21తో కున్లావత్‌ వితిద్సర్న్‌ (థాయ్‌లాండ్‌) చేతిలో ఓడిపోయాడు. డబుల్స్‌లో సాత్విక్‌-చిరాగ్‌ జోడీ 21-12, 13-21, 21-16తో యువాన్‌- జియాంగ్‌ యి ( చైనా)పై గెలిచి టైటిల్‌కు రెండడుగుల దూరంలో నిలిచింది. మహిళల సింగిల్స్‌ ప్రిక్వార్టర్స్‌లో చెన్‌ యుఫీని ఓడించి ఔరా అనిపించిన రక్షిత క్వ్రార్టర్స్‌లో 19-21, 16-21తో చొచువాంగ్‌ (థాయ్‌లాండ్‌) చేతిలో ఓడింది.

Comments (0)

User