పాకిస్థాన్‌ చేతిలో భారత కుర్రాళ్ల ఓటమి
అల్‌ అమెరత్‌ (ఒమన్‌): అండర్‌19 ఆసియాకప్‌లో భారత కుర్రాళ్లు చిరకాల ప్రత్యర్థి పాకిస్థాన్‌ చేతిలో ఓడిపోయారు. ఆదివారం జరిగిన గ్రూప్‌-ఏ మ్యాచ్‌లో పాక్‌ 3 వికెట్ల తేడాతో భారత్‌ను ఓడించింది. తొలుత భారత్‌ 46.3 ఓవర్లలో 208కే కుప్పకూలింది. అర్జున్‌ రాజ్‌పూత్‌ (107) అద్భుత శతకంతో పోరాడినా మిగతా బ్యాటర్లు తీవ్రంగా నిరాశపరిచారు.
ఛేదనలో పాక్‌ 48.1 ఓవర్లలో ఏడు వికెట్లు కోల్పోయి లక్ష్యాన్ని అందుకుంది. భారత బౌలర్లు విజృంభించడంతో ఓ దశలో 61/5తో ఓటమి అంచుల్లో నిలిచిన పాక్‌ను హమ్జా జహూర్‌ (100 నాటౌట్‌) అజేయ శతకంతో గట్టెక్కించాడు. భారత బౌలర్లలో మనాల్‌ చౌహాన్‌ 3 , మోహిత్‌ 2 వికెట్లు పడగొట్టారు. మంగళవారం జరిగే తర్వాతి మ్యాచ్‌లో భారత కుర్రాళ్లు యూఏఈతో తలపడతారు.
Comments (0)