విజేతలు తుషార్‌, రక్షితశ్రీ

• ముగిసిన తెలంగాణ ఇండియా ఇంటర్నేషనల్‌ బ్యాడ్మింటన్‌

హైదరాబాద్‌, ఆట ప్రతినిధి: తెలంగాణ ఇండియా ఇంటర్నేషనల్‌ చాలెంజ్‌ బ్యాడ్మింటన్‌ టోర్నమెంట్‌లో తుషార్‌, సువీర్‌, రక్షిత శ్రీ సింగిల్స్‌ విజేతలుగా నిలిచారు. తెలంగాణ బ్యాడ్మింటన్‌ సంఘం ఆధ్వర్యంలో గచ్చిబౌలిలోని కోటక్‌ పుల్లెల గోపీచంద్‌ బ్యాడ్మింటన్‌ అకాడమీ వేదికగా ఆదివారం ముగిసిన ఈ టోర్నీ పురుషుల సింగిల్స్‌ ఫైనల్లో తుషార్‌ సువీర్‌ 15-21, 21-18, 21-19తో భరత్‌ రాఘవ్‌పై నెగ్గగా, మహిళల సింగిల్స్‌లో రక్షితశ్రీ 16-21, 21-15, 21-14తో రుజులాను ఓడించింది.

పురుషుల డబుల్స్‌లో కృష్ణ ప్రసాద్‌ – పృథ్వీ కృష్ణమూర్తి రాయ్‌ జోడీ 21-12, 21-18తో సాయి ప్రతీక్‌ – రూబన్‌ కుమార్‌ జంటపై నెగ్గింది. భారత్‌, మరో 13 దేశాలకు చెందిన షట్లర్లు ఈటోర్నీలో పోటీ పడ్డారు. రాష్ట్ర ప్రభుత్వ ప్రత్యేక ప్రధాన కార్యదర్శి జయేష్‌ రంజన్‌, శాట్‌ వీసీ ఎండీ సోనిబాలా దేవి, బీసీసీఐ అపెక్స్‌ కౌన్సిల్‌ సభ్యుడు చాముండేశ్వరనాథ్‌, బ్యాడ్మింటన్‌ సంఘం కోశాధికారి వంశీధర్‌ విజేతలకు ట్రోఫీలను అందజేశారు.