ఉగ్ర దాడిలో ఇద్దరు ఎస్‌పీవోల మృతి!
కిష్త్వార్‌ : జమ్ముకశ్మీర్‌లోని కిష్త్వార్‌ జిల్లా దచ్‌ఛన్‌-మర్వా ప్రాంతంలో పెట్రోలింగ్‌కు వెళ్లి గల్లంతైన ఇద్దరు స్పెషల్‌ పోలీస్‌ ఆఫీసర్లు రష్‌పాల్‌ కుమార్‌ (40), బాబీ చంద్‌ (54)ల కథ విషాదాంతం అయింది.
వారి మృతదేహాలను అధికారులు బుధవారం ధెర్నా పోస్టు వద్ద గుర్తించారు. ఒకరి తలపై, మరొకరి వీపుపై బుల్లెట్‌ గాయాలున్నాయి. డ్యూటీలో భాగంగా వీరు ధెర్నా పోస్టు వైపు వెళ్తుండగా, మాటువేసిన ఉగ్రవాదులు కాల్పులు జరిపి ఉండవచ్చన్నది ప్రాథమిక సమాచారం. వీరు వెంట తీసుకెళ్లిన తుపాకులను ఉగ్రవాదులు ఎత్తుకెళ్లారని అనుమానిస్తున్నారు.
Comments (0)