మాన్‌సూన్‌ ముసుగులో హైడ్రా కాసుల వేట!

• రూ.85 కోట్ల నిధుల్లో సగానికి పైగా అవినీతి

• తట్టెడు మట్టి తీయలేదు.. చెంబు నీరు తోడలేదు

• కోట్ల బిల్లులకు ఎసరు..ఉప్పల్‌ సరిల్‌లోనే సగం నిధులు స్వాహా?

సిటీబ్యూరో, నవంబరు 12 (నమస్తే తెలంగాణ )/మల్కాజిగిరి :రాష్ట్రంలో ఓవైపు ఎల్‌నినో ప్రభావంతో తీవ్ర నీటి, విద్యుత్‌ కొరత పొంచి ఉందని, ప్రజలు పొదుపుగా వ్యవహరించాలని సాక్షాత్తూ ముఖ్యమంత్రి రేవంత్‌ రెడ్డి పదేపదే హెచ్చరిస్తున్నారు. ఆర్థిక క్రమశిక్షణ పాటిస్తున్నామని ప్రభుత్వం చెబుతున్న వేళ.. క్షేత్రస్థాయిలో మాత్రం అందుకు పూర్తి విరుద్ధమైన ‘నిధుల దోపిడీ’ జరుగుతోంది. దేశానికే ఆదర్శమని ప్రభుత్వం ఎంతో ప్రతిష్టాత్మకంగా భావిస్తున్న ‘హైడ్రా’ పర్యవేక్షణలో జరుగుతున్న మాన్‌సూన్‌ (వర్షాకాల) అత్యవసర పనులే ఇప్పుడు కాంట్రాక్టర్లకు కాసుల వర్షం కురిపిస్తున్నాయి. తట్టెడు మట్టి తీయకుండా, చెంబెడు నీరు తోడకుండానే ఏకంగా రూ.85 కోట్లప్రజాధనం కరిగిపోతున్న తీరు పౌరుల్లో తీవ్ర చర్చనీయాంశంగా మారింది.

ప్రభుత్వ ఆశయానికి తూట్లు..

నగరంలో చెరువుల పరిరక్షణ, ఆక్రమణల తొలగింపుతో హడావుడి చేస్తున్న హైడ్రాకు గతేడాది నుంచి మాన్‌సూన్‌ పనుల పర్యవేక్షణ బాధ్యతలను ప్రభుత్వం అప్పగించింది. క్యూర్‌ పరిధిలోని దాదాపు 62 ప్రాంతాల్లో 5 నెలల కాలానికి గాను ఎంఈటీ (మ్యాన్‌సూన్‌ ఎమర్జెన్సీ టీమ్స్‌) పనుల కోసం ప్రభుత్వం దాదాపు రూ.85 కోట్లు కేటాయించింది. ఒకో సరిల్‌ కు రూ.90 లక్షల నుంచి రూ.1.5 కోట్ల వరకు టెండర్లు పిలిచారు. అయితే, ఈ టెండర్ల కేటాయింపు పనుల మాటున భారీ అవినీతి జరిగిందనే ఆరోపణలు వచ్చాయి. వాస్తవానికి ఈ సీజన్‌ లో భారీ వరదలు లేవు, బురద కష్టాలు అసలే లేవు. అయినప్పటికీ, పనులు పూర్తిస్థాయిలో జరిగినట్లు కాగితాలపై లెకలు చూపి బిల్లులు మంజూరు చేయడం వెనుక బలమైన రాజకీయ, అధికారిక అండదండలు ఉన్నాయనే విమర్శలు వినిపిస్తున్నాయి.

రూ.50 లక్షలు మాయం?

ఈ అవినీతి బాగోతానికి ఎంఎంసీ పరిధిలోని ఉప్పల్‌ సరిల్‌ అద్దం పడుతోంది. ఈ సరిల్‌ లోని 6 డివిజన్లలో మాన్‌సూన్‌ పనుల కోసం ప్రభుత్వం అక్షరాలా రూ.96,35,475 కేటాయించింది. నిబంధనల ప్రకారం.. మూడు షిఫ్టుల్లో (8 గంటలకు ఒక షిఫ్టు చొప్పున) డివిజన్‌ కు 4 గురు చొప్పున మొత్తం 72 మంది కార్మికులు నిరంతరం పనిచేయాలి. కానీ, గతంలో ఇదే పనులు చేసిన సదరు కాంట్రాక్టర్‌.. కేవలం 23 మంది కార్మికులతోనే మమ అనిపించారు. పనుల్లో పారదర్శకత, అటెండెన్స్‌ లేకపోయిన బిల్లులు మాత్రం విడుదల చేశారు. ఈ లెకన ఒక ఉప్పల్‌ సరిల్‌ లోనే దాదాపు రూ.50 లక్షల ప్రజాధనం పకదారి పడుతున్నట్లు స్పష్టమవుతోంది.

జియోమ్యాపింగ్‌ మాయాజాలం..

టెండర్ల దశలోనే 30 శాతానికి పైగా లెస్‌కు కోట్‌ చేసి పనులు దకించుకున్న కాంట్రాక్టర్లు, నాణ్యతకు పూర్తిగా తిలోదకాలిచ్చారు. క్షేత్రస్థాయిలో కార్మికుల హాజరు (బయోమెట్రిక్‌/అటెండెన్స్‌) లేకపోయినా, పనుల పర్యవేక్షణ కొరవడినా ఉన్నతాధికారులు కనీసం కన్నెత్తి చూడలేదు. కేవలం పాతవి, మొకుబడిగా తీసిన జియోమ్యాపింగ్‌ ఫొటోలను అప్‌ లోడ్‌ చేసి, చేయని పనులకు ఇటీవలే బిల్లులు మంజూరు చేయించుకోవడం గమనార్హం. ఈ విషయంపై క్షేత్రస్థాయి సిబ్బందిని ప్రశ్నిస్తే.. ‘మాకు తెలియదు, అంతా హైడ్రా అధికారులే చూసుకుంటారు’ అంటూ చేతులెత్తేస్తున్నారు. పారదర్శకతకు మారుపేరుగా నిలవాల్సిన హైడ్రా పరిధిలోనే ఇలాంటి అక్రమాలు జరగడం సరారుకు ఇరకాటంగా మారనున్నది.

అక్రమ కట్టడాలపై ఉకుపాదం మోపుతున్న హైడ్రా, సొంత పర్యవేక్షణలో జరుగుతున్న కాంట్రాక్టర్ల దోపిడీపై ఎందుకు మౌనంగా ఉంటోందన్న ప్రశ్నలు తలెత్తుతున్నాయి. కిందిస్థాయి సిబ్బంది నుంచి ఉన్నతాధికారుల వరకు అందరికీ ఈ వ్యవహారం తెలిసినా చర్యలు శూన్యంగా ఉండటం పలు అనుమానాలకు తావిస్తోంది. ఇప్పటికైనా ప్రభుత్వం ఈ రూ.85కోట్ల మాన్‌ సూన్‌ పనులపై విజిలెన్స్‌ వి చారణ జరిపించి, బోగస్‌ బిల్లులు పెట్టిన కాంట్రాక్టర్లపై, వారికి సహకరించిన అధికారులపై కఠిన చర్యలు తీసుకోవాలని పౌరులు డిమాండ్‌ చేస్తున్నారు.