సిటీ సీపీగా మహేశ్‌ భగవత్‌

సిటీబ్యూరో, నవంబర్‌ 12(నమస్తే తెలంగాణ): ప్రభుత్వం పోలీస్‌ శాఖలో భారీ స్థాయిలో ఐపీఎస్‌ అధికారుల బదిలీలు చేపట్టింది. ఇందులో భాగంగా హైదరాబాద్‌ పోలీస్‌ కమిషనర్‌ వీసీ సజ్జనార్‌ను బదిలీ చేస్తూ, ఆయన స్థానంలో సీనియర్‌ ఐపీఎస్‌ అధికారి మహేశ్‌ మురళీధర్‌ భగవత్‌ను పోలీస్‌ కమిషనర్‌గా నియమించింది.1995 బ్యాచ్‌కు చెందిన మహేశ్‌భగవత్‌ ప్రస్తుతం డీజీపీ (లా అండ్‌ ఆర్డర్‌)గా విధులు నిర్వహిస్తున్నారు.

గతంలో రాచకొండ పోలీస్‌ కమిషనర్‌గా కూడా పనిచేసిన అనుభవం ఆయనకు ఉంది. మరోవైపు సజ్జనార్‌ను ఫైర్‌, డిజాస్టర్‌ రెస్పాన్స్‌, ఎమర్జెన్సీ అండ్‌ సివిల్‌ డిఫెన్స్‌ డైరెక్టర్‌ జనరల్‌గా నియమించారు. అదనంగా స్పెషల్‌ ప్రొటెక్షన్‌ ఫోర్స్‌ డీజీ బాధ్యతలను కూడా అప్పగించారు. ఇదిలా ఉండగా కాంగ్రెస్‌ అధికారం చేపట్టిన మూడేండ్ల కాలంలో ముగ్గురు సీపీలను మార్చడంపై సర్వత్రా విమర్శలు వినిపిస్తున్నాయి.