హెచ్‌సిటీ ప్రాజెక్టులకు రాంరాం.. గ్రేటర్‌లో రద్దవుతున్న ఫ్లై ఓవర్ల నిర్మాణం

హైదరాబాద్‌ మహానగరం అభివృద్ధి పథంలో దూసుకుపోతోందని గ్రేటర్‌ ముఖచిత్రాన్ని మార్చేస్తామని ప్రచారాలు చేసుకున్న రేవంత్‌ సరార్‌ .. ఆచరణలోకి వచ్చేసరికి అడుగులు వెనకి వేస్తోంది. ప్రకటనల పర్వంలో కోట్లాది రూపాయల ప్రజాధనాన్ని నీళ్లలా ఖర్చు చేయడం, తీరా క్షేత్రస్థాయి పరిశీలన, ఆచరణ సాధ్యంలోకి వచ్చేసరికి కీలకమైన ప్రజా రవాణా ప్రాజెక్టులను ఒకొకటిగా రద్దు చేసుకుంటూ వెళ్లడం రేవంత్‌ ప్రభుత్వ మార్‌ పాలనకు నిదర్శనంగా మారింది. నిన్నటిదాకా సొరంగాలు, అండర్‌ పాస్‌లు అని హడావుడి చేసి.. ఇప్పుడు ఫె్లైఓవర్ల నిర్మాణాలనూ పకన పడేస్తూ సరార్‌ పీచేముడ్‌ అంటోంది.

సిటీబ్యూరో, అక్టోబరు 6 (నమస్తే తెలంగాణ ) : రాజధాని హైదరాబాద్‌ ను గ్లోబల్‌ సిటీగా తీర్చిదిద్దుతామని, ట్రాఫిక్‌ కష్టాలకు శాశ్వత పరిషారం చూపుతామని అధికార పీఠం ఎకిన పాలకులు గుప్పించిన రంగుల కలలు ఆచరణకు వచ్చేసరికి అటకెకుతున్నాయి. గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ), హైదరాబాద్‌ మెట్రోపాలిటన్‌ డెవలప్‌ మెంట్‌ అథారిటీ (హెచ్‌ఎండీఏ) పరిధిలో రూ.7032 కోట్ల భారీ వ్యయ అంచనాలతో ప్రతిష్టాత్మకంగా ప్రకటించిన హైదరాబాద్‌ సిటీ ఇన్నోవేటివ్‌ అండ్‌ ట్రాన్స్‌ ఫార్మేటివ్‌ ఇన్‌ ఫ్రాస్ట్రక్చర్‌ (హెచ్‌-సిటీ) ప్రాజెక్టులు ప్రస్తుతం తీవ్ర ప్రతిష్టంభనను ఎదురొంటున్నాయి. ఇందులో భాగంగానే కేబీఆర్‌ పార్కు చుట్టూ వన్‌ వే అమలు విధానం విజయవంతం అయిందని చెప్పుకుంటూ..తెరవెనుక కాంగ్రెస్‌ పెద్దల ఆస్తుల సంరక్షణ, మోయలేని భూసేకరణ భారం, అధిగమించలేని న్యాయపరమైన చిక్కులు, పనుల్లో ప్రణాళిక లోపం వెరసి..రూ.1090 కోట్లతో ఏడు ఫ్లై ఓవర్లు, అండర్‌పాస్‌ల ప్రాజెక్టులను రద్దు చేసి ఒకే ఒక్క ఎలివేటెడ్‌ కారిడార్‌తో సరిపెట్టుకున్నది. హెచ్‌ సిటీ ప్రాజెక్టు కింద నానల్‌ నగర్‌లో రూ.150కోట్ల ఫ్లై ఓవర్‌ను ఇప్పటికే రద్దు చేసింది. ఇదే బాటలో రూ. 200కోట్ల రసూల్‌ పూర జంక్షన్‌ వికేంద్రీకరణ, బండ్లగూడ జాగీర్‌ 100 అడుగుల రహదారి విస్తరణ ప్రశ్నార్థకంగా మారింది. రేపోమాపో మరిన్ని హెచ్‌ సిటీ ప్రాజెక్టులు పట్టాలెక్కించలేని జాబితాలోకి రానున్నట్లు తెలుస్తోంది. సమగ్ర ప్రణాళిక లేకుండా, ఆర్థిక వనరులు సమకూర్చకుండా కేవలం కాగితాలకే పరిమితం చేస్తున్న పథకాల వల్ల నగర ప్రగతి నిలిచిపోయి ట్రాఫిక్‌ నరకం పునరావృతమవుతోంది. జీహెచ్‌ఎంసీ, హెచ్‌ండీఏ ఖజానాలను బలోపేతం చేయడంలో సరారు పూర్తిగా విఫలమైందనడానికి రద్దవుతున్న ఈ ప్రాజెక్టులే నిదర్శనంగా నిలుస్తున్నాయి.

కాగితాల్లోనే ఎలివేటెడ్‌ ,రేడియల్‌ రోడ్లు

జీహెచ్‌ఎంసీ పరిధిలోనే కాక, హెచ్‌ఎండీఏ పర్యవేక్షణలో సాగుతున్న ప్రతిష్టాత్మక ప్రాజెక్టుల పరిస్థితి ఏమాత్రం తీసిపోని విధంగా మారింది. గ్రేటర్‌లో పశ్చిమ భాగాన్ని కలుపుతూ ట్రాఫిక్‌ రద్దీకి చెక్‌ పెట్టేందుకు బంజారాహిల్స్‌ (కమాండ్‌ కంట్రోల్‌ సెంటర్‌) నుంచి ఐటీ హబ్‌ గచ్చిబౌలి (శిల్పా లేఅవుట్‌) వరకు సుమారు 8.75 కిలోమీటర్ల మేర రూ. 1,656 కోట్ల అంచనా వ్యయంతో భారీ ఎలివేటెడ్‌ కారిడార్‌ ప్రాజెక్టును హెచ్‌ఎండీఏ ప్రతిపాదించి టెండర్లు పిలిచింది. డిజైన్‌, బిల్డ్‌, ఫైనాన్స్‌, ఆపరేట్‌, ట్రాన్స్‌ఫర్‌ విధానంలో రెండు దశల్లో (ఫిలింనగర్‌-శిల్పా లేఅవుట్‌, కమాండ్‌ కంట్రోల్‌ సెంటర్‌-హకీంపేట్‌ కుంట) నిర్మించాలని ప్రతిపాదించినా, దీనికి అవసరమైన భూసేకరణ, ఫండ్‌ క్లియరెన్స్‌, యుటిలిటీ షిఫ్టింగ్‌ అంశాలపై స్పష్టత లేక కాగితాలకే పరిమితమవుతున్నాయి. లక్డీకాపూల్‌ నుంచి ఖైరతాబాద్‌, మాసబ్‌ ట్యాంక్‌ మీదుగా గచ్చిబౌలి వరకు ప్రతిపాదించిన ఎలివేటెడ్‌ కారిడార్‌ మార్గాలు, ఔటర్‌ రింగ్‌ రోడ్డును (ఓఆర్‌ఆర్‌) ప్రధాన నగరంతో అనుసంధానించే అత్యంత కీలకమైన రేడియల్‌ రోడ్ల విస్తరణ ప్రాజెక్టులు సైతం భూసేకరణ చికు ముడులు విప్పలేక నిలిచిపోయాయి. రేడియల్‌ రోడ్ల కోసం కేటాయించిన బడ్జెట్‌ విడుదల కాకపోవడం, ప్రైవేటు స్థలాల సేకరణకు అవసరమైన వందలాది కోట్ల రూపాయల నగదు నిధులు సమకూరకపోవడంతో అధికారులు టెండర్ల నోటిఫికేషన్లు, సమీక్షా సమావేశాలతో కాలయాపన చేస్తున్నారు. ప్రభుత్వం తక్షణమే స్పందించి ప్రత్యేక గ్రాంట్లు విడుదల చేయకపోతే, కాగితాలపై అట్టహాసంగా కనిపించే ప్రాజెక్టులన్నీ శాశ్వతంగా రద్దయ్యే ప్రమాదం లేకపోలేదన్న చర్చ జరుగుతున్నది.