Hyderabad | హైదరాబాద్ వాసులకు పన్ను వాత.. టు లెట్‌కూ బాదుడు.. మిస్సింగ్ ప్రకటనలు, టోర్నమెంట్లకూ చార్జీలు

Hyderabad | హైదరాబాద్‌ సిటీబ్యూరో, అక్టోబర్‌ 6 (నమస్తే తెలంగాణ): రాష్ట్రంలో సంక్షేమం మాట దేవుడెరుగు.. పన్నులు, రుసుముల రూపంలో రేవంత్‌ సర్కార్‌ ప్రజల నడ్డి విరిచే చర్యలకు దిగుతున్నది. ఇప్పటికే రిజిస్ట్రేషన్‌ విలువ, ఆస్తిపన్ను మోతతో ఉకిరిబికిరి అవుతున్న గ్రేటర్‌ ప్రజలపై తాజాగా ‘అడ్వైర్టెజ్‌మెంట్‌ నిబంధనల’ పేరిట సరికొత్త భారాన్ని మోపనున్నది. చివరికి సొంతింటికి ‘టు-లెట్‌’ బోర్డు తగిలించాలన్నా, మనుషులు మిస్సింగ్‌ అయ్యారని పోస్టర్‌ వేయాలన్నా, సామాజిక కార్యక్రమాల ఫ్లెక్సీలు ఏర్పాటు చేయాలన్నా ప్రభుత్వానికి రుసుము చెల్లించాల్సిందేనని ఆంక్షలు విధించింది.

క్యూర్‌ (జీహెచ్‌ఎంసీ, ఎంఎంసీ, సీఎంసీ) పరిధిలో తాతాలిక, స్థానిక (హైపర్‌ లోకల్‌) ప్రకటనల బోర్డుల నిబంధనలను తెరపైకి తెచ్చిన స ర్కార్‌.. అనుమతి లేకుండా ఏర్పాటుచేసే ఫ్లె క్సీలు, బ్యానర్లు, అడ్వైర్టెజ్‌మెంట్లపై కఠిన చర్య లు తీసుకోవాలని స్పష్టంచేస్తూ పురపాలక, ప ట్టణాభివృద్ధి శాఖ ప్రిన్సిపల్‌ కార్యదర్శి జయేశ్‌ రంజన్‌ మంగళవారం జీవో నం.926ను విడుదల చేశారు.

మై క్యూర్‌ లేదా అడ్వైర్టెజ్‌మెంట్‌ యాప్‌ ద్వారా ఆన్‌లైన్‌లోనే బుకింగ్‌ చేసుకోవాలని పేర్కొంటూనే ఫీజుల రూపంలో పౌరులపై భారం మోపే నిర్ణయం తీసుకోవడం చర్చనీయాంశమైంది. ప్రభుత్వ నూతన మార్గదర్శకాల ప్రకారం.. ఇకపై క్యూర్‌ పరిధిలో ఏ చిన్న ప్రకటనకైనా సంబంధిత మున్సిపల్‌ కార్పొరేషన్‌కు రుసుము చెల్లించాల్సిందే. సొంతిల్లు లేదా షాపు ఖాళీగా ఉన్నదని ఒక చిన్న బోర్డు పెట్టుకోవాలన్నా అనుమతితోపాటు రుసుము చెల్లించాలి. స్థానికంగా జరిగే క్రికెట్‌, కబడ్డీ టోర్నమెంట్ల ఆహ్వాన పత్రాలు, స్థానిక సామాజిక సేవా కార్యక్రమాల ఫ్లెక్సీలపైనా రుసుము ల భారం మోపారు. చివరికి తప్పిపోయిన వ్య క్తుల సమాచారం కోసం అంటించే పోస్టర్లను కూడా వదలకుండా ప్రకటనల క్యాటగిరీలోకి తెచ్చి ఫీజులు వసూలు చేసేందుకు సిద్ధపడటం సరార్‌ కఠిన వైఖరికి నిదర్శనం.

నాలుగు క్యాటగిరీలుగా విభజన

ప్రాంతాల వారీగా 4(ఎస్‌, ఏ, బీ, సీ) క్యాటగిరీలుగా ప్రభుత్వం ఫీజులను ఖరారు చేసింది. రోజుకు రూ.100-500వరకు రు సుము చెల్లించాల్సి ఉంటుంది. అక్రమంగా ఏర్పాటుచేస్తే రోజుకు రూ.1,000-2వేల జరిమానా విధిస్తారు. ఇంటి యజమాని ఆస్తిపన్ను చెల్లిస్తున్నా తన సొంతింటికి ట్యూషన్‌, టులెట్‌ బోర్డులకు ఫీజు చెల్లించాలనడంపై విస్మయం వ్యక్తమవుతున్నది. సాధారణంగా ఎక్కువ రోజులపాటు టులెట్‌ బోర్డులు పెట్టాల్సి వచ్చినప్పుడు అంత భారం మోయడం ఏందని ఆందోళన చెందుతున్నారు. ఫీజులు, జరిమానాలను రెండు క్యాటగిరీలుగా విభజించారు. మొదట తాత్కాలికం(అంటే మూడు రోజులు), రెండో క్యాటగిరీగా హైపర్‌ లోకల్‌ (ఒకటి నుంచి 7 రోజుల వరకు బుక్‌ చేసుకోవచ్చు)గా విభజించి మరీ రేటును ఖరారు చే శారు. ఇంటి ముందు టులెట్‌, ట్యూషను బో ర్డులు, మిస్సింగ్‌ వ్యక్తులు, టోర్నమెంట్‌ ఆ హ్వానాలు, సామాజిక కార్యక్రమాల ప్రకటనల ఫీజులు మొదలైనవి) గరిష్ఠ పరిమాణం 6×6 అడుగుల బోర్డులకు క్యూర్‌ యాప్‌లో అనుమతి తీసుకోవాలి.

వ్యతిరేకిస్తున్న గ్రేటర్‌ జనం

‘ఉపాధి అవకాశాలు పెంచడం, ధరలు త గ్గించడం పకనబెట్టి.. ఇంట్లో ఖాళీగా ఉన్న పో ర్షన్‌ను అద్దెకు ఇచ్చుకునే చిన్న బోర్డు మీద కూడా పన్నులు వేస్తారా?’ అని సర్కార్‌ వైఖరిని సామాన్యులు తీవ్రంగా వ్యతిరేకిస్తున్నారు. మున్ముందు పీల్చే గాలిపై కూడా పన్ను వేసేలా ఉన్నదంటూ సోషల్‌ మీడియా వేదికగా నెటిజన్లు తీవ్రస్థాయిలో మండిపడుతున్నారు. అనధికారికంగా ఉన్న ప్రకటనలను క్రమబద్ధీరించి ఆదాయం పెంచుకోవాలే తప్ప సామాన్య, మధ్య తరగతి ప్రజలపై ఫీజుల భారం మోపడమేందని ప్రశ్నిస్తున్నారు.

ప్రతి వార్డుకూ నోడల్‌ ఆఫీసర్‌

ప్రభుత్వం జారీచేసిన తాజా మార్గదర్శకాల ప్రకారం.. హోర్డింగ్‌లు, బ్యానర్లు, ఫ్లెక్సీ ల నియంత్రణకు మ్యై క్యూర్‌ లేదా అడ్వైర్టెజ్‌మెంట్‌ యాప్‌ ద్వారా ఆన్‌లైన్‌ విధానంలోనే బుకింగ్‌ చేసుకోవాల్సి ఉంటుంది. ఈ ప్రక్రియను పర్యవేక్షించేందుకు ప్రతి వార్డు స్థాయి లో ఒక వార్డు లెవెల్‌ అడ్వైర్టెజ్‌మెంట్‌ నోడల్‌ ఆఫీసర్‌ను నియమిస్తారు. ఆ నోడల్‌ ఆఫీసర్‌ గుర్తించిన ప్రదేశాల్లో మాత్రమే ప్రకటనలకు అనుమతి ఇస్తారు. వీటికి 7 రోజుల ముందే స్లాట్‌బుక్‌ చేసుకోవాలి. ఒక ప్రదేశంలో పెద్ద సైజు బోర్డు కాకుండా పరిమితి మేరకు వేర్వే రు స్లాట్లు కేటాయిస్తారు. అనుమతి పొందిన ప్రతి ప్రకటనపై క్యూఆర్‌ కోడ్‌, ప్రింటర్‌ వివరాలు తప్పనిసరిగా కింద భాగంలో ముద్రించాలి.

నోడల్‌ ఆఫీసర్‌ లేదా మున్సిపల్‌ అధికారులు దానిని సాన్‌ చేసి అనుమతులను సరిచూస్తారు. అనుమతి లేని ప్రకటనలను అధికారులు, పోలీసులు, హైడ్రా బలగాలు తక్షణమే తొలగిస్తాయి. తొలగింపు ఖర్చుల తో భారీగా జరిమానాలు విధిస్తారు. తా తాలిక ప్రకటనల గరిష్ఠ పరిమాణం 18×18 అ డుగులు ఉండాలి. గరిష్ఠ వ్యవధి 3 రోజులు మాత్రమే. రోజువారీ రుసుము రూ.1,000 4వేల వరకు ఉంటుంది. నిబంధనలు ఉల్లంఘిస్తే రోజుకు రూ.2వేల-రూ.8వేల చలానా విధిస్తారు. చెట్లు, విద్యుత్తు స్తంభాలు, ట్రాన్స్‌ఫార్మర్లు, హెరిటేజ్‌ కట్టడాలు, ఫ్లైఓవర్లు, విగ్రహాలపై ఎలాంటి ప్రకటనలు వేయడానికి వీళ్లేదని, ట్రాఫిక్‌కు ఆటంకం కలిగిస్తే కఠిన చర్యలు ఉంటాయని ఆ ఉత్తర్వుల్లో ప్రభు త్వం స్పష్టంచేసింది.