పేరపళ్ల రైతులకు న్యాయం చేస్తాం
నారాయణపేట రూరల్‌, అక్టోబర్‌ 6 : నారాయణపేట-కొడంగల్‌ ఎత్తిపోతల పథకంలో భాగంగా భూములు కోల్పోతున్న రైతులందరికీ న్యాయం చేస్తామని పేట తహసీల్దార్‌ అమరేంద్రకృష్ణ పేర్కొన్నారు. నారాయణపేట మండలం పేరపళ్ల గ్రామంలోని రైతు వేదికలో మంగళవారం రైతులతో ముఖాముఖి కార్యక్రమం నిర్వహించారు.
ఈ సందర్భంగా ఆయన మాట్లాడుతూ.. త్వరలోనే చెరువుకట్ట పనులకు సంబంధించి మార్కింగ్‌ చేపడతామన్నారు. పంటలు నష్టపోతున్న రైతులకు పరిహారం త్వరలోనే వారి అకౌంట్లలో వేయనున్నట్లు తెలిపారు. గతంలో ‘నమస్తే తెలంగాణ’ దినపత్రికలో నష్టపరిహారం విషయంపై కథనాలు రావడంతో అధికారులు ఇటీవలే రీసర్వే పూర్తి చేసిన విషయం తెలిసిందే. ఈ నేపథ్యంలో పట్టాలున్న రైతుల భూములను రీసర్వే చేశారు. సర్కార్‌ భూములు, అసైన్డ్‌ భూములపై సందిగ్ధం నెలకొన్నది.
Comments (0)