సుమయా రెడ్డి రెండో చిత్రం
తొలి చిత్రం ‘డియర్‌ ఉమ’తో నటిగా, నిర్మాతగా, రచయితగా ప్రేక్షకుల్ని మెప్పించిన సుమయా రెడ్డి తన రెండో ప్రాజెక్ట్‌ కోసం సిద్ధమవుతున్నది. సుమచిత్ర ఆర్ట్స్‌ సమర్పణలో సుమయా రెడ్డి స్వీయ నిర్మాణంలో నటిస్తూ ఈ చిత్రాన్ని తెరకెక్కించబోతున్నది. త్వరలో టైటిల్‌ను ప్రకటించబోతున్నారు. ఈ నేపథ్యంలో సోమవారం కొత్త పోస్టర్‌ను విడుదల చేశారు. ఇందులో ఆమె చేతి నిండా డబ్బు, బంగారంతో సంప్రదాయ దుస్తుల్లో కనిపిస్తున్నారు. కామెడీ, హారర్‌ జోనర్‌లో ఇప్పటివరకూ రానటువంటి కథాంశమిదని మేకర్స్‌ చెబుతున్నారు. ఈ చిత్రానికి సంబంధించిన నటీనటులు, టైటిల్‌ వివరాలను త్వరలో ప్రకటించనున్నారు.
Comments (0)