అంబేకర్‌కు పతకం ఖాయం
డాకర్‌ (సెనెగల్‌) : యూత్‌ ఒలింపిక్స్‌లో భారత్‌కు మరో పతకం ఖాయమైంది. యువ బాక్సర్‌, మణిపూర్‌ కుర్రాడు అంబేకర్‌ మితేయి పురుషుల 50 కిలోల కేటగిరీలో సెమీస్‌కు చేరడంతో దేశానికి మరో పతకాన్ని ఖాయం చేశాడు. క్వార్టర్స్‌లో అతడు.. అబ్రహమ్‌ కలెంగ (నమీబియా)ను ఓడించాడు.
తొలి రౌండ్‌ 1 నిమిషం 57 సెకన్లలో ముగియగా అంబేకర్‌ పంచ్‌లకు నమీబియా బాక్సర్‌ తాళలేకపోయాడు. రిఫరీ స్టాప్స్‌ కాంటెస్ట్‌ (ఆర్‌ఎస్‌సీ) పద్ధతిలో అంబేకర్‌ విజేతగా తేలి సెమీస్‌కు అర్హత సాధించాడు. కాగా బాక్సింగ్‌లో భారత్‌కు ఇదే తొలి మెడల్‌ కావడం గమనార్హం.
Comments (0)