లోకనాయకుడి ‘దశావతారం’ రీరిలీజ్‌
విశ్వనటుడు కమల్‌హాసన్‌ ‘దశావతారం’ సినిమా ఓ చరిత్ర. 2008లో వచ్చిన ఆ సినిమాలో పొంతనలేని పది పాత్రల్ని పోషించి, భారతీయ సినీచరిత్రలో కొత్త రికార్డు సృష్టించారు కమల్‌హాసన్‌. ఈ సంచలన చిత్రం మరోసారి వెండితెరపై సందడి చేసేందుకు సిద్ధమవుతున్నది. సుదీక్ష ఎంటర్‌టైన్మెంట్‌ సంస్థ ఈ నెల 28న ‘దశావతారం’ సినిమాను గ్రాండ్‌ రీ రిలీజ్‌ చేయనున్నది.
కేఎస్‌ రవికుమార్‌ ఈ సినిమాకు దర్శకత్వం వహించిన విషయం తెలిసిందే. ఇందులో కమల్‌ నటించిన పది పాత్రలూ ప్రేక్షకుల్ని మంత్రముగ్థుల్ని చేశాయి. కథ, కథనం, సాంకేతికత విషయాల్లోనూ ఓ ప్రత్యేక ఆధ్యాయంగా నిలిచిన సినిమా దశావతారం. అప్పట్లో భారీ విజయాన్ని అందుకున్న ఈ సినిమా నేటి జనరేషన్‌ని కూడా తప్పక ఆకట్టుకుంటుందని సమర్పకులు నమ్మకం వ్యక్తం చేస్తున్నారు.
Comments (0)