రేపు పనిదినంగా ప్రకటించిన ప్రభుత్వం
రేపు పనిదినంగా ప్రకటించిన ప్రభుత్వంసిటీబ్యూరో, నవంబర్‌ 12 (నమస్తే తెలంగాణ): రేపు (రెండో శనివారం) అన్ని ప్రభుత్వ కార్యాలయాలకు పనిదినంగా పరిగణించాలని ప్రభుత్వం స్పష్టం చేసింది. ఈమేరకు రాష్ట్ర ప్రభుత్వ ప్రధాన కార్యదర్శి సంజయ్‌ జాజు గురువారం అధికారిక ఉత్తర్వులు జారీ చేశారు. సెప్టెంబర్‌ 25(శుక్రవారం)న వినాయక నిమజ్జనం సందర్భంగా ప్రభుత్వం సెలవు ప్రకటించిన విషయం తెలిసిందే.
ఆ రోజు హైదరాబాద్‌, రంగారెడ్డి, మేడ్చల్‌ జిల్లాల పరిధిలోని ప్రభుత్వ కార్యాలయాలు, పాఠశాలలు, కళాశాలలకు సాధారణ సెలవు ప్రకటించారు. కాగా, ఆ సెలవు రోజుకు బదులుగా ఈనెల 14న(రెండో శనివారం) పనిదినంగా పరిగణించాలని ప్రభుత్వం పేర్కొంది. అందులో భాగంగా ప్రభుత్వ పాఠశాలలు, కళాశాలలు, కార్యాలయాలు రెండో శనివారం కూడా కొనసాగనున్నాయి.
Comments (0)