యోగి ఆదిత్యనాథ్కు మాతృ వియోగం

పౌరీ గఢ్వాల్, నవంబర్ 20: ఉత్తరప్రదేశ్ ముఖ్యమంత్రి యోగి ఆదిత్యనాథ్ తల్లి సావిత్రీదేవి శుక్రవారం ఉదయం ఉత్తరాఖండ్లోని పౌరీ గఢ్వాల్ జిల్లా స్వగ్రామం పాంచూర్లో మృతిచెందారు. ఆమె వయస్సు 91 ఏండ్లు. దీర్ఘకాలిక అనారోగ్యంతో బాధపడుతున్న సావిత్రీదేవి శుక్రవారం ఉదయం సుమారు 10.45 గంటల సమయంలో మృతిచెందారని పాంచూర్ గ్రామస్థులు పీటీఐకి తెలిపారు.
ముఖ్యమంత్రి ఆదిత్యనాథ్ పాంచూర్కు చేరుకున్నారు. నేడు జరిగే అవకాశం ఉన్న తల్లి అంత్యక్రియల్లో ఆయన పాల్గొననున్నారు. తల్లి మృతి వార్త తెలిసిన తర్వాత ఆయన ఎక్స్లో ‘అమ్మ’ అని రాసి, ఆ తర్వాత ‘ఓం శాంతి’ అని పోస్టు చేశారు. సావిత్రీదేవికి ఏడుగురు సంతానం. ఆదిత్యనాథ్ రెండో కుమారుడు.
Comments (0)