యూపీలో పోలీస్‌ స్టేషన్‌ వద్ద భారీ పేలుడు
లక్నో : ఉత్తరప్రదేశ్‌లోని ఘజియాబాద్‌ జిల్లాలో వసుంధర పోలీస్‌ స్టేషన్‌ వెనుకవైపు పాత సామగ్రిని నిల్వ ఉంచే పార్కింగ్‌ ప్రాంతంలో శుక్రవారం రాత్రి భారీ పేలుడు సంభవించింది. ఈ పేలుడు ధాటికి పోలీస్‌ స్టేషన్‌ రెండు కిటికీల అద్దాలు పగిలిపోయాయి. గోడకు పగుళ్లు ఏర్పాడ్డాయి.
ఆ సమయంలో అక్కడకు వచ్చిన డెలివరీ బాయ్‌ స్వల్పంగా గాయపడ్డాడు. అయితే ఈ ఘటనకు తామే కారణం అంటూ గాజీ 2 అనే పేరుతో ఉన్న సోషల్‌ మీడియా ఖాతా నుంచి పోస్టు వెలువడింది. తహ్రీక్‌-ఉల్‌-ముజాహిదీన్‌ హిందుస్థాన్‌ అనేసంస్థ ఈ దాడికి పాల్పడ్డట్టు అందులో ఉంది. అయితే ఇది ఫేక్‌ పోస్టా లేదంటే నిజమేనా అనే కోణంలో పోలీసులు దర్యాప్తు చేస్తున్నారు.
Comments (0)