కృత్రిమ మేధతో ‘కిరికిరి’
కృత్రిమ మేధ (ఏఐ) సాంకేతికత ఉపయోగించి రూపొందిస్తున్న ‘కిరికిరి’ చిత్రం శుక్రవారం హైదరాబాద్‌లో ప్రారంభమైంది. భరద్వాజ్‌ దాయాల దర్శకుడిగా పరిచయమవుతున్న ఈ చిత్రాన్ని రవికాంత్‌ వీరపల్లి నిర్మిస్తున్నారు. దర్శకుడు మాట్లాడుతూ ‘ప్రస్తుతం ఏఐ సాంకేతికతతో పౌరాణికాలు, ఫిక్షనల్‌ స్టోరీస్‌ తీస్తున్నారు. కానీ తొలిసారి మేము హైబ్రీడ్‌ టెక్నాలజీ విధానంలో ఈ సోషల్‌మూవీని తీస్తున్నాం. హైదరాబాద్‌ నేపథ్య కథ ఇది. ఆరు నెలల్లో విడుదల చేయాలని సన్నాహాలు చేస్తున్నాం’ అన్నారు. ఈ కార్యక్రమంలో నిర్మాతలు ప్రసాద్‌ దేవినేని, సంగీత దర్శకుడు ఆర్‌పీ పట్నాయక్‌ అతిథులుగా పాల్గొన్నారు.
Comments (0)