మహిళలకు ’చెయ్యి‘చ్చిన హిమాచల్ కాంగ్రెస్ సర్కార్

సిమ్లా : కాంగ్రెస్ పాలిత హిమాచల్ ప్రదేశ్ ప్రభుత్వం మహిళలకు ఇచ్చిన వాగ్దానాన్ని నిలుపుకోలేకపోతున్నది. ఇందిరా గాంధీ ప్యారీ బెహనా సుఖ్ సమ్మాన్ నిధి యోజన కింద గత మూడేండ్లలో వచ్చిన 8.25 లక్షల దరఖాస్తుల్లో దాదాపు 93 శాతం అంటే 7.69 లక్షల దరఖాస్తులను తిరస్కరించింది. ఈ వివరాలను ఆరోగ్య, కుటుంబ సంక్షేమ శాఖ మంత్రి కల్నల్ ధనీ రామ్ శాండిల్ శనివారం శాసన సభలో ఓ ప్రశ్నకు సమాధానంగా చెప్పారు.
అర్హులైన మహిళల ఆర్థిక స్వావలంబనకు తోడ్పడేందుకు ఈ పథకం ద్వారా నెలకు రూ.1,500 చొప్పున నేరుగా లబ్ధిదారుల బ్యాంకు ఖాతాల్లో ప్రభుత్వం జమ చేస్తుంది. పథకానికి అర్హులైన మిగిలిన మహిళలకు దశలవారీగా ప్రయోజనాలు అందజేస్తామని ప్రభుత్వం తెలిపింది. అయితే, దీనికి గడువును వెల్లడించలేదు.
Comments (0)