Kollywood | ఒకే ఫ్రేమ్లో విజయ్, రజినీకాంత్, కమల్ హాసన్.. మురిసిపోతున్న ఫ్యాన్స్

Kollywood | తమిళ సినీ పరిశ్రమలో ప్రస్తుతం ఒక ఫొటో సోషల్ మీడియాలో తెగ వైరల్ అవుతోంది. తమిళనాడు ముఖ్యమంత్రి, స్టార్ హీరో విజయ్, సూపర్ స్టార్ రజినీకాంత్, లోకనాయకుడు కమల్ హాసన్ ముగ్గురూ ఒకే ఫ్రేమ్లో కనిపించడంతో అభిమానులు ఫుల్ ఖుషీ అవుతున్నారు. ఈ ముగ్గురు దిగిన ఫొటో ప్రస్తుతం నెట్టింట చర్చనీయాంశంగా మారింది. ఇంతకీ ఈ ముగ్గురు స్టార్ హీరోలు ఒకే చోట కలవడానికి కారణం ఏంటంటే.. ప్రముఖ సంగీత దర్శకుడు అనిరుధ్ రవిచందర్ పెళ్లి రిసెప్షన్. ప్రముఖ సంగీత దర్శకుడు అనిరుధ్ రవిచందర్, కావ్య మారన్ వివాహం నవంబర్ 11, 2026న ఘనంగా జరిగింది. ఈ వివాహ వేడుకకు కుటుంబ సభ్యులు, సన్నిహితులు, సినీ ప్రముఖులు హాజరయ్యారు. అనంతరం నిర్వహించిన వెడ్డింగ్ రిసెప్షన్కు కూడా పలువురు ప్రముఖులు తరలివచ్చి నూతన దంపతులకు శుభాకాంక్షలు తెలిపారు.
ఈ వేడుకలో సినీ, రాజకీయ రంగాలకు చెందిన ప్రముఖులు సందడి చేయడంతో రిసెప్షన్ ప్రత్యేక ఆకర్షణగా నిలిచింది. అయితే ఈ వేడుకలో అందరి దృష్టిని ఆకర్షించిన విషయం మాత్రం తమిళ సినీ పరిశ్రమకు చెందిన ముగ్గురు దిగ్గజాలు ఒకే ఫ్రేమ్లో కనిపించడం.తమిళ సినిమా రంగంలో అత్యంత ప్రజాదరణ కలిగిన నటులు విజయ్, రజినీకాంత్, కమల్ హాసన్ ముగ్గురూ అనిరుధ్ పెళ్లి రిసెప్షన్లో కలుసుకున్నారు. వీరు కలిసి కనిపించిన ఫొటో బయటకు రావడంతో అభిమానులు ఆనందం వ్యక్తం చేస్తున్నారు.
విజయ్ ప్రస్తుతం తమిళనాడు ముఖ్యమంత్రిగా రాజకీయ బాధ్యతలు నిర్వహిస్తుండగా, రజినీకాంత్, కమల్ హాసన్ సినీ రంగంలో తమదైన ప్రత్యేక గుర్తింపును కొనసాగిస్తున్నారు. ఈ ముగ్గురూ ఒకే చోట కనిపించడం అభిమానులకు అరుదైన దృశ్యంగా మారింది. ముఖ్యంగా విజయ్ రాజకీయాల్లోకి వచ్చిన తర్వాత ఆయన సినీ ప్రముఖులతో కలిసి కనిపించే సందర్భాలు అభిమానుల్లో ప్రత్యేక ఆసక్తిని కలిగిస్తున్నాయి. అలాంటిది రజినీకాంత్, కమల్ హాసన్లతో కలిసి ఒకే ఫ్రేమ్లో కనిపించడంతో ఈ ఫొటోకు మరింత ప్రాధాన్యత ఏర్పడింది. విజయ్, రజినీకాంత్, కమల్ హాసన్లను ఒకే ఫ్రేమ్లో చూసిన అభిమానులు సోషల్ మీడియాలో తమ ఆనందాన్ని వ్యక్తం చేస్తున్నారు. ముగ్గురు దిగ్గజాలు ఒకే వేదికపై కలవడం చాలా అరుదైన విషయమని, ఇలాంటి ఫొటోలు చూడటం తమకు ఎంతో సంతోషాన్ని కలిగిస్తోందని కామెంట్లు చేస్తున్నారు.
Comments (0)