నాట్కోకు యూఎస్‌ఎఫ్‌డీఏ అభ్యంతరాలు

22 November 2026 - 06:30
0 0
నాట్కోకు యూఎస్‌ఎఫ్‌డీఏ అభ్యంతరాలు
Nat

న్యూఢిల్లీ, నవంబర్‌ 21: హైదరాబాద్‌లో నాట్కో ఫార్మాకు చెందిన కొత్తూరు తయారీ కేంద్రాన్ని తనిఖీ చేసిన అనంతరం అమెరికా ఆరోగ్య నియంత్రణ సంస్థ (యూఎస్‌ఎఫ్‌డీఏ) 7 అభ్యంతరాలను జారీ చేసింది. ఈ మేరకు కంపెనీ శనివారం తెలిపింది. ఈ నెల 12 నుంచి 20 వరకు తనిఖీలు జరిగినట్టు కంపెనీ రెగ్యులేటరీ ఫైలింగ్‌లో వెల్లడించింది. తనిఖీ ముగిసిన తర్వాత ఫామ్‌-483లో 7 అభ్యంతరాలు అందినట్టు పేర్కొన్నది. కాగా, యూఎస్‌ఎఫ్‌డీఏ నిబంధనల ప్రకారం.. చట్టాల ఉల్లంఘనలుగా పరిగణించదగిన పరిస్థితులున్నట్టు తనిఖీ అధికారులు భావించినప్పుడు, తనిఖీ పూర్తయిన తర్వాత సంస్థ యాజమాన్యానికి ఫామ్‌-483 జారీ చేస్తారు.

అరబిందో ఏపీ ప్లాంట్‌కు..

అరోబిందో అనుబంధ సంస్థ ఎపిటోరియా ఫార్మాకు చెందిన ఆంధ్రప్రదేశ్‌లోని ఔషధ క్రియాశీల ముడి పదార్థాల తయారీ కేంద్రానికి యూఎస్‌ఎఫ్‌డీఏ ‘వాలంటరీ యాక్షన్‌ ఇండికేటెడ్‌’ (వీఏఐ) వర్గీకరణ ఇచ్చింది. వీఏఐ వర్గీకరణ అంటే.. తనిఖీలో అభ్యంతరకర పరిస్థితులు లేదా పద్ధతులు గుర్తించినప్పటికీ, వాటిపై పరిపాలనాపరమైన లేదా నియంత్రణ చర్యలు తీసుకోవడానికి, సిఫారసు చేయడానికి యూఎస్‌ఎఫ్‌డీఏ సిద్ధంగా లేదని అర్థం.

Comments (0)

User