మా హామీ నువ్వే.. శివగామీ నువ్వే

సంక్రాంతి పండుగ అంటేనే బంధువుల సందడి, ఆప్యాయతలు, ఆటపాటలకు వేదిక. అలాంటి పండుగ వాతావరణాన్ని అందంగా ఆవిష్కరిస్తూ ‘జనవరి 12 విడుదల’ చిత్రం నుంచి ‘డివికి డివికి’ అనే పాటను విడుదల చేశారు. వెంకటేష్, కల్యాణ్రామ్, కీర్తి సురేష్, కృతిశెట్టి ప్రధాన పాత్రల్లో అనిల్ రావిపూడి దర్శకత్వంలో తెరకెక్కుతున్న ఈ చిత్రం వచ్చే ఏడాది జనవరి 12న ప్రేక్షకుల ముందుకురానుంది. జీవీ ప్రకాష్కుమార్ స్వరపరచిన ఈ పాటను అనంత శ్రీరామ్ రచించారు.
మధుప్రియ, హరిప్రియ ఆలపించారు. ‘వదినా వయ్యారి, వదినా బంగారి, వదినా ఎవరైనా నీకన్నానా.. వదినా పువ్వంటి, వదినా నిప్పంటి, వదినా నీకే తందానానా.. మా హామీ నువ్వే, శివగామీ నువ్వే’ అంటూ ఉత్సాహభరితమైన బీట్స్తో ఈ పాట సాగింది. కథానాయికలు కీర్తి సురేష్, కృతిశెట్టి సంప్రదాయ దుస్తుల్లో మెరిసిపోతూ హుషారెత్తించే డ్యాన్స్ మూమెంట్స్తో ఆకట్టుకున్నారు. వదినా, మరదళ్ల మధ్య ఉండే అనుబంధం, ఆప్యాయతల్ని ఆవిష్కరిస్తూ ఈ పాట ఆకట్టుకుంది. ఈ చిత్రానికి సాహు గారపాటి నిర్మాత.
Comments (0)