25నుంచి హైటెక్స్‌లో పౌల్ట్రీ ఎక్స్‌పో

22 November 2026 - 06:30
0 0
25నుంచి హైటెక్స్‌లో పౌల్ట్రీ ఎక్స్‌పో
Ff

హైదరాబాద్‌, నవంబర్‌ 21 (నమస్తే తెలంగాణ): ఈ నెల 25 నుంచి 27 వరకు హైటెక్స్‌ ఎగ్జిబిషన్‌ సెంటర్‌లో 18వ పౌల్ట్రీ ఇండియా ఎక్స్‌పో అంతర్జాతీయ ప్రదర్శన జరుగనున్నది. రాష్ట్ర ముఖ్యమంత్రి రేవంత్‌ రెడ్డి దీన్ని ప్రారంభించనున్నారు. ఇండియన్‌ పౌల్ట్రీ ఎక్విప్‌మెంట్‌ మాన్యుఫ్యాక్చరర్స్‌ అసోసియేషన్‌ (ఐపీఈఎంఏ) ఆధ్వర్యంలో 7 హాళ్లలో జరగనున్న ఈ ఎక్స్‌పోలో 550కిపైగా సంస్థలు తమ ఆధునిక సాంకేతిక పరిజ్ఞానం, ఉత్పత్తులను ప్రదర్శించనున్నాయి. 125 దేశాల నుంచి 51వేల మందికిపైగా పౌల్ట్రీ రంగ నిపుణులు, వ్యాపారవేత్తలు పాల్గొననున్నారు. కాగా, ఈ ప్రదర్శనకు ముందుగా 24న హెచ్‌ఐసీసీ-నోవాటెల్‌లో నిర్వహించే పౌల్ట్రీ నాలెడ్జ్‌ డే-2026ను కేంద్ర సహాయ మంత్రి ప్రొఫెసర్‌ ఎస్‌పీ సింగ్‌ బఘేల్‌ ప్రారంభిస్తారు.

ఇక ఈ మూడు రోజుల ప్రదర్శనలో ఫార్మ్‌ ఆటోమేషన్‌, ఏఐ, దాణా నిర్వహణ, కోళ్ల ఆరోగ్యం, వెటర్నరీ వైద్యానికి సంబంధించిన నూతన ఆవిషరణలపై ప్రత్యేక దృష్టి సారించనున్నారు. దేశంలో 50-60 లక్షల మందికి ఉపాధి కల్పిస్తూ, ప్రపంచంలోనే రెండో అతిపెద్ద గుడ్ల ఉత్పత్తిదారుగా భారత్‌ నిలువడంలో కీలకపాత్ర పోషిస్తున్న పౌల్ట్రీ రంగానికి.. ఈ ఎక్స్‌పో అంతర్జాతీయ వ్యాపార అవకాశాలను కల్పించగలదని ఐపీఈఎంఏ అధ్యక్షుడు ఉదయ్‌ సింగ్‌ బాయస్‌ తెలిపారు. సందర్శకులు పాల్గొనవచ్చన్నారు.

Comments (0)

User