బతికుండగానే డెత్‌ సర్టిఫికెట్లు
- సిద్దిపేట జిల్లా రాంపూర్‌ కేంద్రంగా పత్రాలు జారీ
- హైదరాబాద్‌, జనగామ వారికి సైతం ధ్రువీకరణ పత్రాలు
చేర్యాల, నవంబర్‌ 9 : మరణించిన వ్యక్తి పేరిట డెత్‌ సర్టిఫికెట్‌ జారీ చేసేందుకు పంచాయతీ అధికారులు నానా తిప్పలు పెడుతుంటారు. కానీ సిద్దిపేట జిల్లా చేర్యాల మండలం రాంపూర్‌లో మాత్రం బతికి ఉన్న వ్యక్తుల పేరిట డెత్‌ సర్టిఫికెట్లు జారీ చేసిన ఘటన ఆలస్యంగా వెలుగులోకి వచ్చింది. భూక్యా మధు రాంపూర్‌ పంచాయతీ కార్యదర్శిగా పనిచేసిన సమయంలో రమేశ్‌ అనే యువకుడు స్నేహంగా ఉండటం తో ఆయనకు పంచాయతీకి సంబంధించి డిజిటల్‌ కీ, యూజర్‌ ఐడీ, పాస్‌వర్డ్‌ చెప్పడంతోపాటు సదరు డాంగిల్‌ను ఇచ్చాడు.
రమేశ్‌ డిజిటల్‌ కీ ఉపయోగించి 21 మందికి డెత్‌ సర్టిఫికెట్లు, మరో ముగ్గురికి బర్త్‌ సర్టిఫికెట్లు జారీ చేశాడు. ఇన్సూరెన్స్‌ డబ్బులు, భూమి క్రయవిక్రయాలు తదితర అంశాలకు ఉపయోగపడే డెత్‌, బర్త్‌ సర్టిఫికెట్లను పంచాయతీ కార్యదర్శికి తెలియకుండా రమేశ్‌ జారీ చేశాడు. ఈ ఏడాది ఫిబ్రవరి నుంచి అక్టోబర్‌ వరకు ఈ తతం గం కొనసాగింది.
హైదరాబాద్‌లోని బోయినపల్లి ఇంటర్‌నెట్‌ సెంటర్‌ నుం చి రమేశ్‌ ధ్రువీకరణ పత్రాలు జారీ చే యడం మొదలుపెట్టి రాంపూర్‌లో తన కుటుంబ సభ్యులకు మూడు, జనగా మ జిల్లా, హైదరాబాద్‌లోని బోయిన పల్లి, పీర్జాదిగూడ తదితర ప్రాంతాల్లో వ్యక్తులకు సర్టిఫికెట్లు ఇచ్చినట్టు తెలిసింది. విషయం బయటకు పొక్కడం తో జీపీ కార్యదర్శి, ప్రైవేట్‌ వ్యక్తిపై ఫి ర్యాదు చేయాలని కలెక్టర్‌ చేర్యాల ఎంపీడీవోను ఆదేశించారు. ఈ కేసులో కార్యదర్శి మధును సస్పెండ్‌ చేశారు. ఎంపీడీవో సుధీర్‌ ఫిర్యాదు మేరకు ఎస్సై అపూర్వరెడ్డి ఇద్దరిపై కేసు నమో దు చేశారు. కార్యదర్శి మధును విచారిస్తున్నామని, రమేశ్‌ కోసం గాలిస్తున్నట్టు ఎస్సై పేర్కొన్నారు.
Comments (0)