పేమెంట్‌ వ్యవస్థలపై ఏఐతో సైబర్‌ దాడులు!
హైదరాబాద్‌, నవంబర్‌ 12 (నమస్తే తెలంగాణ) : ఏఐ సాయంతో సైబర్‌ నేరగాళ్లు ఆర్థిక సంస్థల పేమెంట్‌, రుణాల పంపిణీ వ్యవస్థలపై దాడులకు పాల్పడుతున్న నేపథ్యంలో అన్ని వ్యవస్థలు అప్రమత్తంగా ఉండాలని టీజీ సీఎస్‌బీ డీజీ శిఖాగోయెల్‌ హెచ్చరించారు. దేశవ్యాప్తంగా నాన్‌ బ్యాంకింగ్‌ ఫైనాన్షియల్‌ కంపెనీలు, ఫిన్‌టెక్‌ సంస్థలపై దాడుల నేపథ్యంలో గురువారం హైదరాబాద్‌లోని టీజీసీఎస్‌బీ కార్యాలయంలో ప్రత్యేక సమావేశం నిర్వహించారు. శిఖా గోయల్‌ మాట్లాడుతూ సైబర్‌ నేరగాళ్లు ప్రధానంగా ఎన్‌బీఎఫ్‌సీలను లక్ష్యంగా చేసుకుంటున్నారని తెలిపారు. అనుమానాస్పద కార్యకలాపాలను తక్షణమే గుర్తించి, మ్యూల్‌ ఖాతాల ద్వారా నగదు తరలింపును నిలిపివేయడం ప్రాధాన్యంగా ఉండాలని సూచించారు.
Comments (0)