ప్రతి ఇంటికి ఇంకుడుగుంతను నిర్మించుకోవాలి : డీఎల్‌పీవో సుధీర్కుమార్
బూర్గంపహాడ్, నవంబర్ 12 : వర్షపు నీటిని ఒడిసిపట్టి భూగర్భ జలాలను పెంపొందించేందుకు ప్రతి ఇంటికి ఇంకుడుగుంత నిర్మాణం చేసుకోవాలని డీఎల్‌పీవో సుధీర్కుమార్ అన్నారు. గురువారం బూర్గ‌పంహాడ్‌ మండల పరిధిలోని పినపాక పట్టీనగర్‌లో ఉపాధిహామీ పథకం కింద చేపడుతున్న ఇంకుడుగుంతల నిర్మాణాన్ని ఎంపీవో రామకృష్ణతో కలిసి ఆయ‌న పరిశీలించారు. పనుల పురోగతిని సమీక్షించి నాణ్యతా ప్రమాణాలు పాటిస్తూ నిర్ణీత సమయానికి ఇంకుడు గుంతల నిర్మాణాలను పూర్తి చేయాలన్నారు. ఇంకుడు గుంతలు ప్రతి ఇంటి వద్ద ఏర్పాటు చేసుకోవడం వల్ల నీటి వృథా లేకుండా భూగర్భ జలాల పెంపుదల ఉంటుందని తెలిపారు. ఈ కార్యక్రమంలో సర్పంచ్ బానోత్ పద్మ, పంచాయతీ కార్యదర్శి రాజేశ్వరి పాల్గొన్నారు.
Comments (0)