KTR | సివిల్స్ విద్యార్థిని కోల సింధు రచించిన పుస్తకాన్ని ఆవిష్కరించిన కేటీఆర్

గోదావరిఖని : రామగుండం నియోజకవర్గం వేమునూర్ గ్రామ సర్పంచ్ కోల లత కోడలు, కోల మహేష్ – లక్ష్మీ దంపతుల కుమార్తె ,సివిల్స్ విద్యార్థిని కోల సింధు ( Kola Sindhu ) రచించిన అన్‌ డిఫైనేబుల్ గర్ల్ (Un Definable Girl) పుస్తకాన్ని బీఆర్ఎస్ వర్కింగ్ ప్రెసిడెంట్ కేటీఆర్ ( KTR ) ఆవిష్కరించారు. బీఆర్ఎస్ రాష్ట్ర నాయకులు వ్యాల్ల హరీష్ రెడ్డి కోల సింధును గురువారం హైదరాబాదులో కేటీఆర్ వద్దకు తీసుకువెళ్లి ఆమె రచించిన పుస్తకాన్ని ఆయన చేతుల మీదుగా ఆవిష్కరింపజేశారు.

ఈ సందర్భంగా కోల సింధు రచించిన పుస్తకాన్ని అభినందిస్తూ, ఆమె రచనా ప్రతిభను కేటీఆర్ కొనియాడారు. భవిష్యత్తులో మరిన్ని విజయాలు సాధించాలని, ప్రతిష్టాత్మకమైన ఆలిండియా సివిల్స్ పరీక్షలో ఉత్తీర్ణత సాధించి ఉన్నత స్థాయికి చేరుకోవాలని ఆకాంక్షించారు. చిన్న వయసులోనే రచనా రంగంలో ప్రతిభను చాటుతూ, సివిల్స్ లక్ష్యంతో ముందుకు సాగుతున్న కోల సింధు యువతకు ఆదర్శంగా నిలుస్తున్నారని ఈ సందర్భంగా పలువురు అభినందించారు. ఈ కార్యక్రమంలో మాజీ మంత్రి, నర్సాపూర్ ఎమ్మెల్యే సునీత లక్ష్మారెడ్డి , బీఆర్ఎస్ రాష్ట్ర నాయకులు, తదితరులు పాల్గొన్నారు.