పోలీసు బ్యాండ్ పోటీల్లో తెలంగాణకు 4వ స్థానం

హైదరాబాద్, నవంబర్ 20 (నమస్తే తెలంగాణ) : తెలంగాణలో నిర్వహించిన ఆలిండియా 27వ పోలీస్ బ్యాండ్ పోటీల్లో కేంద్ర పారా మిలటరీ విభాగం సీఆర్పీఎఫ్ విజేతగా నిలిచింది. మహారాష్ట్ర పోలీస్ రెండోస్థానం, రాజస్థాన్ పోలీస్ మూడోస్థానం సాధించాయి. ఈ పోటీల్లో తెలంగాణ పోలీస్ బృందం ప్రతిభ చాటుకుంది.
పురుషుల విభాగంలో నిర్వహించిన ఓవరాల్ చాంపియన్షిప్లో తెలంగాణ పోలీసులకు నాలుగోస్థానం లభించింది. మొత్తం 21టీంలు పోలీస్ బ్యాండ్ పోటీల్లో పాల్గొన్నాయి. పురుషుల విభాగంలో నిర్వహించిన బగుల్ కాల్ పోటీల్లో తెలంగాణ పోలీస్ జట్టు ద్వితీయ స్థానాన్ని కైవసం చేసుకుంది. ఈ విభాగంలో మహారాష్ట్ర పోలీస్ మొదటి స్థానంలో నిలిచింది.
Comments (0)