ఎక్సైజ్ శాఖలో ముడుపుల దందా?

- ఆబ్కారీ శాఖ కమిషనర్ హరికిరణ్పై ఈడీ, సీబీఐ చర్యలు తీసుకోవాలి
- ఈడీ ఆఫీసు వద్ద బీసీ పొలిటికల్ జేఏసీ ఆందోళన
హైదరాబాద్, నవంబర్ 20 (నమస్తే తెలంగాణ): తెలంగాణ ఆబ్కారీ శాఖ కమిషనర్ చెవ్వూ రు హరికిరణ్ అవినీతి అక్రమాలపై తక్షణం చర్యలు తీసుకోవాలని బీసీ పొలిటికల్ జేఏసీ చైర్మన్ రాచాల యుగంధర్గౌడ్ డిమాండ్ చేశారు. ఈడీ ఆఫీసు వద్ద శుక్రవారం ఆయన నిరసన తెలియజేశారు. అనంతరం మీడియాతో మాట్లాడుతూ.. చెవ్వూరి హరికిరణ్ అధికార దుర్వినియోగానికి పాల్పడు తూ.. ప్రతి పనికీ ముడుపులు స్వీకరించారని ఆరోపించారు.
ఎక్సైజ్ సిబ్బంది బదిలీలు, పోస్టింగ్లు, మైక్రో బ్రూవరీలకు లైసెన్సుల మంజూరు, నాన్-డ్యూటీ పెయిడ్ లికర్ కేసుల రాజీ వంటి పలు వ్యవహారాల్లో కోట్ల రూపాయల వసూళ్లకు పాల్పడ్డారని అన్నారు. సదరు అధికారి ఐఏఎస్ అయినందున ఆయనపై చర్యల నిమిత్తం తన ఫిర్యాదును రాష్ట్ర ప్రభుత్వ ప్రధానకార్యదర్శితోపాటు డిపార్ట్మెంట్ ఆఫ్ పర్సనల్ అండ్ ట్రైనింగ్, సెంట్రల్ విజిలెన్స్ కమిషన్, సీబీఐ, తెలంగాణ సీబీ-సీఐడీ విభాగాలకు కూడా పంపించినట్టు తెలిపారు.
Comments (0)