సివిల్స్‌ తుది ఇంటర్వ్యూకు 31మంది

• రాజీవ్‌గాంధీ సివిల్స్‌ అభయహస్తం ద్వారా లక్ష చొప్పున ప్రోత్సాహకం

హైదరాబాద్‌, నవంబర్‌ 12(నమస్తే తెలంగాణ): ఇటీవల వెలువడిన యూపీఎస్సీ సివిల్స్‌, మెయిన్స్‌ ఫలితాల్లో రాజీవ్‌గాంధీ సివిల్స్‌ అభయహస్తం పథకం లబ్ధిదారులై న 31మంది అభ్యర్థులు ఉత్తీర్ణులై తుది ఇంటర్వ్యూకు ఎంపికయ్యారు. అంతకుముం దు ప్రిలిమ్స్‌ పాసైన 158 మంది అర్హులకు సింగరేణి రూ.లక్ష చొప్పున వారి బ్యాంకు ఖాతాల్లో జమచేసింది. తుది ఇంటర్వ్యూకు అర్హత సాధించిన వారికి కూడా త్వరలో మరో రూ.లక్ష చొప్పున అదనపు ప్రోత్సాహకం అందించనున్నది.

ఎంపికైన వారికి డిప్యూటీ సీఎం భట్టి విక్రమార అభినందనలు తెలిపారు. ఈ పథకం ద్వారా ఇప్పటికే 27మంది సివిల్స్‌కు ఎంపికయ్యారని, ఈ ఏడాది కూడా ప్రభుత్వ ఆధ్వర్యంలో నిర్వహించే మాక్‌ ఇంటర్వ్యూలకు తమ సంస్థ సహకరిస్తుందని సింగరేణి సీఎండీ బుద్ధ ప్రకాశ్‌జ్యోతి తెలిపారు. ఎంపికైన 31 మందిలో అత్యధికంగా వరంగల్‌ జిల్లా నుంచి ఆరుగురు, మేడ్చల్‌ నుంచి నలుగురు, హైదరాబాద్‌, జగిత్యాల జిల్లాల నుంచి ముగ్గురు చొప్పున ఉన్నారు.