నగల దుకాణానికి కన్నం

• రూ.60 లక్షల బంగారం, వెండి , రూ.4 లక్షల నగదు అపహరణ

మేడ్చల్‌, నవంబర్‌ 10 : నగల దుకాణం కు దుండగలు కన్నం వేశారు. ఆ కన్నంలో నుంచి లోపలికి ప్రవేశించి, బంగారం, వెండి నగలతో పాటు నగదు అపహరించారు. 24 గంటలు ప్రజలు సంచరించే జాతీయ రహదారి పక్కన, పోలీస్‌స్టేషన్‌కు అతి సమీపంలో ఉన్న దుకాణంలో దుండగలు చోరీకి పాల్పడటం మేడ్చల్‌లో కలం కలం సృష్టించింది. మేడ్చల్‌ పోలీసులు, బాధితుల కథనం ప్రకా రం…మేడ్చల్‌ పోలీస్‌స్టేషన్‌ పక్కన శేషుమాల్‌ చౌదరి శ్రీ జగదాంబ జువెల్లర్స్‌ పేరుతో నగల దుకాణం నిర్వహిస్తున్నాడు. ఆదివారం ఆ యన దీపావళి పూజలు నిర్వహించి, దుకాణం మూసి వెళ్లిపోయాడు. సోమవారం దు కాణంను తెరవలేదు.

మంగళవారం ఉద యం దుకాణం తీసి చూడగా దుకాణం లోపల ఉన్న చెక్క తలుపు విరిగి ఉంది. లోపలికి వెళ్లి చూడగా వెనుక ఉన్న గోడకు పెద్ద కన్నం వేసి ఉంది. దుండగలు వెనుక వైపు నుంచి దుకాణంకు కన్నం వేసి లోపలికి ప్రవేశించారు. ఆ తర్వాత అడ్డుగా ఉన్న చెక్క తలుపును సగం వరకు తొలగించి, నగలు విక్రయించే గదిలోకి వచ్చారు. అక్కడి నుంచి బంగారు, వెండి నగలు, డ్రాలో ఉన్న నగదును ఎత్తుకెళ్లారు. దండగలు 25 తులాల బంగారం, 8.5 కిలో వెండి, రూ.4లక్షల నగదును ఎత్తికెళ్లినట్టు నిర్వాహకుడు శేషుమాల్‌ చౌదరి తెలిపారు. నగదు కాకకుండా చోరీకి గురైన సొత్తు విలువ రూ.60 లక్షలు ఉం టుందని యజమాని తెలిపాడు. సమాచారం అందుకున్న పోలీసులు ఘటనా స్థలాన్ని పరిశీలించారు. క్లూస్‌టీంతో ఆధారాలను సేకరించారు. ఈ మేరకు పోలీసులు కేసు నమోదు చేసుకుని దర్యాప్తు చేపట్టారు.

గతంలో ఒక మారు…

మేడ్చల్‌లో పోలీస్‌స్టేషన్‌ పక్కనే ఉన్న ఈ దుకాణంలో 2024, జూన్‌ 20న పట్టపగలు ఇద్దరు వ్యక్తులు దోపిడీకి విఫలయ్నతం చేశా రు. హెల్మెట్‌ పెట్టుకొని ఒకరు, బుర్కా వేసుకుని మరొకరు లోపలికి ప్రవేశించి, నగలు ఇవ్వాలంటూ కత్తితో దుకాణ యాజమానిని బెదిరిస్తూ దాడి చేసి, బైక్‌పై పరారీ అయ్యా రు. దాడిలో శేషుమాల్‌ చౌదరికి తీవ్ర గాయాలయ్యాయి. అప్పట్లో ఈ ఘటన రాష్ట్ర వ్యా ప్తంగా సంచలనంగా మారింది. తిరిగి అదే దుకాణంలో సోమవారం చోరీ జరగడంపై స్థానికంగా కల కలం సృష్టించింది. పోలీస్‌స్టేషన్‌ పక్కనే ఉన్న దుకాణానికే భద్రత లేకపోతే ఎలా అని స్థానిక వ్యాపారులు ఆందోళనకు గురవుతున్నారు. వెంటనే దుండగలను పట్టుకొని, చోరీకి గురైన సొత్తును రికవరీ చేయాలని బాధితులతో పాటు స్థానికులు డిమాండ్‌ చేస్తున్నారు.