తుంగతుర్తిలో ఘనంగా మత్స్య కార్మికుల దినోత్సవం

తుంగతుర్తి, నవంబర్ 21 : ప్రపంచ మత్స్య కార్మికుల దినోత్సవం సందర్భంగా శనివారం తుంగతుర్తి మండల కేంద్రంలో మత్స్య కార్మికులు మెయిన్ రోడ్ పై భారీ ర్యాలీ నిర్వహించి అనంతరం జండా ఆవిష్కరణ చేశారు. ఈ కార్యక్రమంలో పలువురు మత్యకారుల సంఘం నాయకులు మాట్లాడుతూ.. మత్స్య కార్మికులు దేశ ఆర్థిక వ్యవస్థలో ముఖ్యమైన భాగస్వాములు అన్నారు. చెరువులు, వాగులు కాపాడుతూ ప్రజలకు పోషక ఆహారాన్ని అందించే మత్స్య కార్మికుల సేవలు అమూల్యమైనవన్నారు. అలాగే మత్స్యకారులను బీసీ డీ నుండి బీసీ ఏకు మార్చాలన్నారు. చేప పిల్లల పంపిణీని సొసైటీలకే అప్పజెప్పాలని, మత్స్య కార్మికులకు పెన్షన్ సౌకర్యం కల్పించాలని కోరారు. ఈ కార్యక్రమంలో తుంగతుర్తి మత్స్యశాఖ కార్మిక సంఘం అధ్యక్షులు కొండ లింగయ్య, మామిడి నాగరాజు, కొండ వెంకన్న, దిండి ముత్యాలు, సాదు వెంకన్న, మామిడి లింగయ్య, దిండి రవి, కొండ సంపత్, కొండరాజు, మావిడి నరేశ్, కొండ పరశురాం, మామిడి సుధాకర్, భాషబోయిన శ్రీను, కాగు సతీశ్, కొండా వెంకన్న, బచ్చల నాగరాజు, కొండ వేణు పాల్గొన్నారు.
Comments (0)