హై ఓ థ్రిల్లింగ్ రైడ్

అగ్ర దర్శకుడు అనిల్ రావిపూడి వద్ద దర్శకత్వ శాఖలో పనిచేసిన ఎస్ కృష్ణ దర్శకునిగా మారారు. ఆయన స్వీయ దర్శకత్వంలో హరీష్ పెద్దితో కలిసి నిర్మించిన చిత్రం ‘హై’. ఇందులో ఎస్.కృష్ణ ఓ ప్రధాన పాత్ర కూడా పోషించారు. అనన్యశర్మ, పల్లవి దొర, కృష్ణకమల్, సాయికృష్ణ, రేవంత్(బుల్లిరాజు) కీలక పాత్రధారులు. ఈ నెల 27న సినిమా విడుదల కానున్నది. ఈ సందర్భంగా ఈ సినిమా ప్రీరిలీజ్ ఈవెంట్ను హైదరాబాద్లో నిర్వహించారు. అగ్ర దర్శకుడు అనిల్ రావిపూడి ఈ కార్యక్రమానికి అతిథిగా విచ్చేసి చిత్రబృందానికి శుభాకాంక్షలు అందించారు.
దర్శకుడు, నటుడు ఎస్.కృష్ణ మాట్లాడుతూ ‘నేను నటుడ్ని కావాలనేది మా నాన్నగారి కల. అందుకే.. నేను డైరెక్ట్ చేస్తున్న సినిమాలోనే నన్ను ఒక పాత్ర చేయమని నా మిత్రుడు అనిల్ రావిపూడి నన్ను బూస్ట్ చేశాడు. నాన్న కల కూడా అదే కాబట్టి చేశాను. ఇందులో నాపాత్ర పేరు గుడివాడ రాయుడు. కంప్లీట్ ఆల్కహాలిక్ క్యారెక్టర్. ఇందులో నటించిన అనన్యశర్మ, సాయికృష్ణ అందరూ లియలిస్టిక్ పెర్ఫార్మెన్స్ ఇచ్చారు. టీమ్ అంతా ప్రాణం పెట్టి పనిచేసింది. ‘హై’ ఓ థ్రిల్లింగ్ రైడ్. తప్పకుండా ఈసినిమా అందరికీ నచ్చుతుంది’ అని నమ్మకం వెలిబుచ్చారు. ఇంకా చిత్రబృందమంతా మాట్లాడారు.
Comments (0)