డబ్బింగ్‌ పనుల్లో ‘విశ్వంభర’?

కారణజన్ముడైన మానవునిగా మెగాస్టార్‌ చిరంజీవి నటిస్తున్న సోషియో ఫాంటసీ అడ్వెంచర్‌ ‘విశ్వంభర’. వశిష్ట మల్లిడి దర్శకుడు. యూవీ క్రియేషన్స్‌ నిర్మిస్తున్న ఈ ప్రస్టేజియస్‌ ప్రాజెక్ట్‌లో విజువల్‌ ఎఫెక్ట్స్‌ కీలకం. హాలీవుడ్‌కి చెందిన వీఎఫ్‌ఎక్స్‌ నిపుణులు ఈ సినిమాకు పనిచేయడం విశేషం. నిజానికి ఈ ఏడాది సంక్రాంతికే సినిమా విడుదల కావాలి. కానీ నాణ్యమైన వీఎఫ్‌ఎక్స్‌ కోసమే ఇంత సమయం తీసుకున్నట్టు మేకర్స్‌ చెబుతున్నారు.

ఈ సినిమాకు చెందిన సీజీఐ పనులన్నీ పూర్తయిన నేపథ్యంలో రీసెంట్‌గా డబ్బింగ్‌ పనుల్ని మొదలుపెట్టారు. త్వరలోనే సినిమా ట్రైలర్‌ని కూడా విడుదల చేయనున్నట్టు సమాచారం. ఇక సినిమా రిలీజ్‌ విషయంలో క్లారిటీ రావాల్సివున్నది. త్రిష కృష్ణన్‌ కథానాయికగా నటిస్తున్న ఈ చిత్రంలో రానా దగ్గుబాటి విలన్‌గా కనిపించనున్నట్టు తెలిసింది. కునాల్‌ కపూర్‌, మౌనీ రాయ్‌, అషికా రంగనాథ్‌, మీనాక్షి చౌదరి కీలక పాత్రధారులు. ఈ చిత్రానికి కెమెరా: చోటా కె.నాయుడు, సంగీతం: ఎం.ఎం.కీరవాణి, నిర్మాతలు: వి.వంశీకృష్ణారెడ్డి, ప్రమోద్‌ ఉప్పలపాటి, విక్రమ్‌రెడ్డి.