ఆన్‌లైన్‌ పరీక్షలతోనే లీకేజీలకు అడ్డుకట్ట
హైదరాబాద్‌, నవంబర్‌ 13 (నమస్తే తెలంగాణ) : ఆన్‌లైన్‌ పరీక్షలతో పేపర్‌ లీకేజీలకు అడ్డుకట్ట వేయవచ్చని ప్రభుత్వం అభిప్రాయపడింది. పరీక్షల సంస్కరణలు-నేషనల్ టెస్టింగ్‌ ఏజెన్సీ (ఎన్టీఏ) పనితీరును మెరుగుపరిచేందుకు కేంద్రం విద్యాశాఖ ఏర్పాటు చేసిన టాస్క్‌ఫోర్స్‌ కమిటీ శుక్రవారం రాష్ట్రంలో పర్యటించింది. టాస్క్‌ఫోర్స్‌ సభ్యులు అమృత్‌లాల్‌ మీనా, ఆయన బృందం సచివాలయంలో అధికారులతో భేటీ అయ్యింది.
ఈ సందర్భంగా అధికారులు క్యూఆర్‌ కోడ్‌ గల హాల్‌టికెట్లు, కమాండ్‌ కంట్రోల్‌ సెంటర్‌ ద్వారా పర్యవేక్షణ, ఓఎమ్మార్‌ షీట భద్రతను వివరించారు. భేటీలో విద్యాశాఖ కార్యదర్శి డాక్టర్‌ యోగితారాణా, క్రిస్టినా చోంగ్తు, ఉన్నత విద్యామండలి చైర్మన్‌ వీ బాలకిష్టారెడ్డి, అదనపు కార్యదర్శి వీ సైదా తదితరులు పాల్గొన్నారు.
Comments (0)