కలెక్టర్‌కు టీవీకే ఎమ్మెల్యే అసభ్య సందేశాలు?
- ఎంపీ కనిమొళి ఆరోపణ
- విచారణ చేయిస్తామన్న మంత్రి
చెన్నై: టీవీకే ఎమ్మెల్యే అరుల్‌ విఘ్నేష్‌ ఇటీవల కల్లకురుచి జిల్లా కలెక్టర్‌ పద్మజ ఇంటికి మద్యం మత్తులో వెళ్లి ఆమెను వేధించారని డీఎంకే ఎంపీ కనిమొళి సోమవారం ఆరోపించారు. దీనిపై సోషల్‌ మీడియాలో వార్తలు ప్రచారం అవుతున్నాయని ఆమె తెలిపారు. కలెక్టర్‌కు ఎమ్మెల్యే అసభ్య వాట్సాప్‌ సందేశాలు పంపారని ఆమె ఆరోపించారు.
అయితే ఈ విషయాన్ని విఘ్నేష్‌ ఖండించారు. డీఎంకే చెత్త రాజకీయాలకు పాల్పడుతున్నదని తెలిపారు. ఈ వివాదంపై రాష్ట్ర పాఠశాల విద్యాశాఖ మంత్రి రాజ్‌మోహన్‌ మంగళవారం స్పందిస్తూ ఎంపీ చేసిన ఆరోపణలపై నిష్పాక్షిక విచారణ జరిపిస్తామన్నారు.
Comments (0)