ఈగో రాజా ప్రేమాయణం
‘శంబాల’ వంటి విజయవంతమైన చిత్రం తర్వాత ఆది సాయికుమార్‌ నటిస్తు న్న తాజా చిత్రం ‘ఈగో రాజా’. గురుశరవణన్‌ దర్శకత్వం వహిస్తున్న ఈ చిత్రం తెలు గు, తమిళ భాషల్లో తెరకెక్కుతున్నది. సోమవారం ఈ చిత్రం నుంచి ‘రౌడీ రాకాసి’ అనే పాటను విడుదల చేశారు. గిబ్రాన్‌ వైబోధ స్వరపరచిన ఈ పాటను రామజోగయ్యశాస్త్రి రచించారు.
శ్రీనివాసన్‌ ఆలపించారు. వినూత్న కథాంశంతో ఈ చిత్రాన్ని తెరకెక్కిస్తున్నామని, ఆది పాత్ర చిత్రణ సరికొత్త పంథాలో ఉంటుందని, రొమాంటిక్‌ యాక్షన్‌ ఎంటర్‌టైనర్‌గా మెప్పిస్తుందని మేకర్స్‌ తెలిపారు. సతీష్‌, శరణ్య రామచంద్రన్‌, ఆద్య ప్రసాద్‌ తదితరులు నటిస్తున్న ఈ చిత్రానికి సంగీతం: గిబ్రాన్‌ వైబోధ, నిర్మాత: జి.సురేష్‌, రచన-దర్శకత్వం: గురు శరవణన్‌.
Comments (0)