ఆధ్యాత్మికంగా ‘శివాలయం’
‘రంగస్థలం’ మహేశ్‌, కాంచన దీప్తిరెడ్డి, ధన్‌రాజ్‌, సుష్మ ప్రధానపాత్రధారులుగా రూపొందుతున్న ఆధ్యాత్మిక చిత్రం ‘శివాలయం’. వెంకట్‌రెడ్డి నంది దర్శకత్వం వహిస్తూ కళ్లెం నర్సింహారెడ్డితో కలిసి నిర్మిస్తున్న ఈ చిత్రం టీజర్‌ ఆవిష్కరణ కార్యక్రమం ఘనంగా జరిగింది. ‘తక్కువ సమయంలో సినిమాను పూర్తి చేశాం. నిర్మాత కళ్లెం నర్సింహారెడ్డి గొప్ప వ్యవసాయవేత్త. నందమూరి తారకరామారావుగారితో కలిసి పనిచేసిన అనుభవం ఆయనది. ఆయన చిత్రంలో మేం భాగం కావడం గర్వకారణంగా భావిస్తున్నాం’ అని హీరో ‘రంగస్థలం’ మహేశ్‌ అన్నారు. ఈ సినిమాలో భాగం కావడం పట్ల హీరో దీప్తిరెడ్డి ఆనందం వెలిబుచ్చింది.
Comments (0)