ఇష్టానుసారం యాంటీబయోటిక్స్ వాడొద్దు

బన్సీలాల్పేట్, నవంబర్ 18 : ‘వరల్డ్ యాంటీ మైక్రోబయల్ రెసిస్టెన్స్ (ఏఎంఆర్)’ వారోత్సవాల సందర్భంగా బుధవారం గాంధీ మెడికల్ కాలేజీలో అవగాహన ర్యాలీ నిర్వహించారు. మైక్రోబయాలజీ విభాగం ఆధ్వర్యంలో జరిగిన ఈ ర్యాలీని కళాశాల ప్రిన్సిపాల్ డాక్టర్ కే.ఇందిర, గాంధీ దవాఖాన సూపరింటెండెంట్ డాక్టర్ టి.ఉషారాణి ప్రారంభించారు. వైద్యుల సలహా లేకుండా సొంతంగా యాంటీ బయోటిక్స్ మందులను వాడకూడదన్నారు. కాలేజీ నుంచి ఓపీ భవనం వరకు కొనసాగిన ఈ ర్యాలీలో కళాశాల వైస్ ప్రిన్సిపాళ్లు డాక్టర్ చంద్రశేఖర్, డాక్టర్ నాగమోహన్, మైక్రోబయాలజీ విభాగం హెచ్ఓడీ ప్రొఫెసర్ తరుణి, అసోసియేట్ ప్రొఫెసర్ డాక్టర్ సుజాత తదితరులు పాల్గొన్నారు.
Comments (0)