కోట్లాది వ్యాపారాన్ని వదిలి సన్యాసం!

- సూరత్లో ఓ కుటుంబం నిర్ణయం
సూరత్, నవంబర్ 18 : కోట్లాది రూపాయల టర్నోవర్ను వదిలి ఒక వ్యాపారి, అతని కుటుంబ సభ్యులందరూ జైన దీక్ష తీసుకునేందుకు సిద్ధపడుతున్నారు. ఏడాదికి రూ.15 కోట్ల టర్నోవర్ ఉన్న వ్యాపారాన్ని వదిలిపెట్టి, సూరత్కు చెందిన వ్యాపారి దిలీప్ భాయ్ భోగర్ (47). అతని భార్య జ్యోతిబెన్ (45), కుమార్తెలు ఛవి (22), చార్వి (14) వచ్చే ఏడాది ఫిబ్రవరి 8న సూరత్లో జైన దీక్ష తీసుకోనున్నారు. దిలీప్ భాయ్ ఏండ్ల కిందట సూరత్కు వెళ్లారు.
క్రమంగా తన వ్యాపారాన్ని కోట్ల రూపాయల టర్నోవర్కు విస్తరించాడు. ఇంతలో ఆయనకు ఒక జైన ఆచార్యుడు పరిచయమయ్యారు. క్రమంగా జైన మతంపై ఆసక్తి పెరిగి సన్యాస జీవితం వైపు మొగ్గుచూపారు. దిలీప్ భాయ్ మూడో కుమార్తె శైలీ 2023లోనే దీక్ష తీసుకుంది. సన్యాస జీవితానికి సిద్ధమయ్యే ముందు ఈ నలుగురు జైన సన్యాసులతో కలిసి కొంతకాలం నివసించారు. కాలినడకన ప్రయాణించడం, ఆహార నియమాలు, రోజువారీ ఆచరణతోపాటు సన్యాస జీవితంలోని కఠిన జీవనానికి వీరు సిద్ధమయ్యారు.
Comments (0)