ఉపాధి ఆధారిత గ్రీన్కార్డుల నిబంధనలు కఠినతరం

- ఉద్యోగాల్లో అమెరికన్లకే తొలి ప్రాధాన్యం
- ట్రంప్ ప్రభుత్వ ప్రతిపాదన
వాషింగ్టన్, నవంబర్ 18 : విదేశీ ఉద్యోగులకు ఇచ్చే ఉపాధి ఆధారిత గ్రీన్కార్డుల విషయంలో కఠిన నిబంధనలను అమెరికా కార్మిక శాఖ ప్రతిపాదించింది. ఫిజికల్ థెరపిస్టులు, నర్సుల నుంచి అత్యున్నత నైపుణ్యాలున్న నిపుణుల వరకు ఉద్యోగ నియామకాల్లో అమెరికన్లకే తొలి ప్రాధాన్యం దక్కేలా ఈ మార్పులు తీసుకురానున్నది. ప్రోగ్రామ్ ఎలక్ట్రానిక్ రివ్యూ మేనేజ్మెంట్ (పెర్మ్) వలస వీసా ప్రక్రియలో కార్మిక మార్కెట్ పరీక్షను ఆధునికీకరించేందుకు మంగళవారం కొత్త నిబంధనలను ప్రతిపాదించింది.
ప్రతిపాదిత మార్పుల ప్రకారం, విదేశీ ఉద్యోగులకు అనుకూలంగా ఉద్యోగ అవకాశాల అర్హతలను యాజమాన్యాలు మార్చుకోవడాన్ని నిషేధిస్తారు. సంప్రదాయ ప్రింట్ ప్రకటనల స్థానంలో యాజమాన్యాల వెబ్సైట్లు, సోషల్ మీడియా ప్లాట్ఫామ్లు, క్యాంపస్ నియామకాల ద్వారా ఆన్లైన్ రిక్రూట్మెంట్ చేపట్టాలని ప్రతిపాదించింది.
Comments (0)