దుల్కర్ సల్మాన్ కొత్త చిత్రం ‘గోలి’

మలయాళంతో పాటు తెలుగు, తమిళం, హిందీ భాషల్లో సినిమాలు చేస్తూ పాన్ ఇండియా నటుడిగా ఎదిగారు దుల్కర్ సల్మాన్. ఆయన నటించిన తాజా తెలుగు చిత్రం ‘ఆకాశంలో ఒక తార’ ఈ నెల 20న ప్రేక్షకుల ముందుకురానుంది. ఈ నేపథ్యంలో తన తదుపరి తమిళ సినిమాను అధికారికంగా ధృవీకరించారు దుల్కర్ సల్మాన్.
‘గోలి’ అనే టైటిల్తో ఈ సినిమా తెరకెక్కనుందని వెల్లడించారు. ఈ చిత్రానికి కార్తికేయన్ వేలప్పన్ దర్శకత్వం వహించనున్నారు. ప్రముఖ దర్శకుడు అట్లీ శిష్యుడైన ఆయన ఈ సినిమాతో దర్శకుడిగా పరిచయమవుతున్నారు. త్వరలో చిత్రీకరణ ప్రారంభం కానున్నట్లు సమాచారం.
Comments (0)