RS Praveenkumar | ఆటో డ్రైవర్లు, క్యాబ్ డ్రైవర్ల పొట్ట కొట్టాలని చూస్తున్న గ్రీన్ SM కంపెనీ : ఆర్ఎస్ ప్ర‌వీణ్ కుమార్

RS Praveenkumar |  ఒక కంపెనీ తన అడ్వర్టైజింగ్ కోసం ఆటో డ్రైవర్ల, క్యాబ్ డ్రైవర్ల పొట్ట కొట్టాలని చూస్తుంద‌ని.. జియో లాగా గ్రీన్ SM అనే కంపెనీ చేయబోతోందని బీఆర్ఎస్ ప్ర‌ధాన కార్య‌ద‌ర్శి ఆర్ ఎస్ ప్ర‌వీణ్ కుమార్ వెల్ల‌డించారు. 2016లో జియో అనే కంపెనీ ఫ్రీ డేటా, ఫ్రీ కాల్స్ అనే ఆఫర్‌తో ప్ర‌జ‌ల ముందుకొచ్చింది.. ఫ్రీ ఆఫ‌ర్‌తో జియో కమ్యూనికేష‌న్స్ రాగానే నాలుగు కంపెనీలు ఖ‌త‌మైపోయిన‌య్‌. ఎయిర్‌సెల్‌, టాటా డొకోమో, రిలయ‌న్స్ టెలికమ్యూనికేష‌న్స్, ఇక వొడాఫోన్‌, ఐడియా.. రెండూ క‌లిసిపోయాయని అన్నారు.

తెలంగాణ భ‌వ‌న్‌లో ఏర్పాటు చేసిన మీడియా స‌మావేశంలో ఆర్ఎస్ ప్ర‌వీణ్ కుమార్ మాట్లాడుతూ.. ఫ్రీ డాటా వ‌చ్చాక ల‌క్ష‌ల మంది క‌స్ట‌మ‌ర్లు వ‌చ్చిన త‌ర్వాత జియోవాళ్లు మెల్ల‌మెల్ల‌గా రేట్లు పెంచ‌డం మొద‌లుపెట్టారు. ఎందుకంటే మిగితా పోటీదారులంతా చ‌చ్చిపోయిర్రు.. ఇంకేముంట‌రు.. ఇక మిగిలింది జియో, ఎయిర్‌టెల్‌.. కొంత‌వ‌ర‌కు ఐడియా, ఇక బీఎస్ ఎన్ ఎల్‌ను ఎప్పుడో ఖ‌తం చేసిర్రు. ఇక మిగిలింది రెండుమూడు కంపెనీలే.. ఇప్పుడు గ్రీన్ SM అనే కంపెనీ కూడా అదే చేయ‌బోతుంద‌న్నారు.

కిలోమీట‌ర్‌కు రూ.8 అని క‌స్ట‌మ‌ర్ల‌ను ఆక‌ర్షించి ఆటోడ్రైవ‌ర్లు, క్యాబ్ డ్రైవ‌ర్లంతా మీ ఆటోలు, క్యాబ్‌లు బంద్ చేసుకోండి..మీ ర్యాపిడోలు, ఇంకేవో కాదు.. మీరు నా ద‌గ్గ‌ర‌కొచ్చి డ్రైవ‌ర్లుగా చేరండి.. అని గ్రీన్ SM ప‌రోక్షంగా మెసేజ్ చేస్తుంటే ప్ర‌భుత్వ చోద్యం చూస్తున్న‌దని ఆర్ఎస్ ప్ర‌వీణ్ కుమార్ ఫైర్ అయ్యారు. మొట్ట‌మొద‌ట వీళ్లంతా అవ‌న్నీ వ‌దిలేసి వాళ్ల‌కు ఏ ఉద్యోగం రాదు.. మ‌రి పొట్ట నిండాలే క‌దా..అందుకోసం గ్రీన్ SM ద‌గ్గ‌ర‌కు పోత‌రు.. మొదట వారానికి రూ.8000 ఇస్తామని అంటారు.. త‌ర్వాత చివ‌ర‌కు దాన్ని రూ.1000కి చేస్తారు. ఒక చిన్న గీత ప‌డినా ఖతం.. 500 కిలోమీట‌ర్లు తిర‌గ‌లేక‌పోయినా ఖ‌తం.. ఎక్క‌డి నుంచి వ‌స్త‌ది 500 కిలోమీట‌ర్లు.. ఇంత‌మంది ఆటోడ్రైవ‌ర్లు, క్యాబ్ డ్రైవ‌ర్ల‌తో 6 ల‌క్ష‌ల మందితో పోటీప‌డి గ్రీన్ SMలో ఎక్క‌డి నుంచి వ‌స్త‌దని ప్ర‌శ్నించారు

గ్రీన్ SM కారును అడ్వ‌ర్టైజ్ చేసుకునేందుకు పెద్ద ఎత్తున ప్ర‌జ‌లంతా దీన్ని కొన‌డం కోసం ఈ దేశంలో ఈ కంపెనీ వ‌చ్చింది.. నిజానికి ఒక కంపెనీ కార్లు అమ్ముకోవాల‌నుకుంటే హ్యుండాయ్ కార్లు అమ్ముకోవ‌చ్చు.. ట‌యోటా అమ్ముకోవ‌చ్చు.. మ‌హీంద్రా అమ్ముకోవ‌చ్చు.. దాన్ని ఎవ‌రూ కూడా నో అన‌రు.. కానీ ఆటోడ్రైవ‌ర్లు, క్యాబ్ డ్రైవ‌ర్ల పొట్ట కొట్ట‌కు.. మేం అందుకే రేటు కార్డు కావాలంటున్నాం. ఈ రోజు ప్ర‌భుత్వం ఎందుకు క్యాబ్ డ్రైవ‌ర్ల‌కు రేట్ కార్డు ఇవ్వ‌డం లేద‌ని ప్ర‌శ్నించారు.

జియో లాగా గ్రీన్ SM అనే కంపెనీ చేయబోతోంది

2016లో జియో అనే కంపెనీ ఫ్రీ డేటా, ఫ్రీ కాల్స్ అనే ఆఫర్‌తో రాగానే ఎయిర్‌సెల్, టాటా డొకోమో, రిలయన్స్ టెలికమ్యూనికేషన్స్ కనుమరుగైతే వొడాఫోన్, ఐడియా మెర్జ్ అయ్యాయి

ఆ తర్వాత కోట్ల మంది కస్టమర్లు వచ్చిన తర్వాత మెల్లమెల్లగా జియో వాళ్లు రేట్లు పెంచడం మొదలెట్టారు

ఇప్పుడు గ్రీన్ SM అనే కంపెనీ కూడా అదే చేయబోతోంది.. ఆటో డ్రైవర్లను, క్యాబ్ డ్రైవర్లను వాళ్ల పనులు బంద్ చేసి తమతో కలవాలని సిగ్నల్స్ ఇస్తుంది

మొదట వారానికి రూ.8000 ఇస్తామని అంటారు.. మెల్లమెల్లగా దాన్ని రూ.1000కి చేస్తారు

ఒక కంపెనీ తన అడ్వర్టైజింగ్ కోసం ఆటో డ్రైవర్ల, క్యాబ్ డ్రైవర్ల పొట్ట కొట్టాలని చూస్తుంది

ఇదంతా చూసి కూడా రేవంత్ రెడ్డి దీనికి పర్మిషన్ ఇచ్చాడు

– ఆర్ఎస్ ప్రవీణ్ కుమార్

— Telugu Scribe (@TeluguScribe) November 12, 2026

Read Also :

Talasani Srinivas Yadav | ఆర్జేడీ నేత తేజ‌స్విప్ర‌సాద్ యాద‌వ్‌, ఎస్పీ నేత‌ల‌కు త‌ల‌సాని స్వాగ‌తం.. వీడియో

Weather Changes | ప్ర‌పంచ దేశాల్లో దుర్భ‌ర‌మ‌వుతున్న వాతావ‌ర‌ణ ప‌రిస్థితులు.. అధ్య‌య‌నంలో వెల్ల‌డి..

Jairam Ramesh | రాముడి పేరుతో పాపాలు ఇంకెన్నాళ్లు..? బీజేపీపై జైరాం ర‌మేష్ ఆగ్ర‌హం